老豆今個星期食生日飯, 一直以嚟, 我心都有個疑問, 就係表姐&表妹會唔會嚟!
我唔會問表叔表妹會唔會嚟, 因為如果直接問, 就顯得我好似好小家, 好似唔想佢嚟(事實我係唔想佢嚟), 但係如果叫我大方d叫佢嚟, 就好似我認錯咁!
而表姐, 我更加唔會走去問表姐, 因為我只係whatsapp佢, 都已經比說話我聽, 跟住再post上去fb, 如果我打比佢, 就更加唔知會同我講咩, 所以我唔會中伏!
今朝, 我叫亞媽訂位前問一問表叔佢地有幾多個到! 結果, 原來亞媽已經問左, 表叔話, 表姐表妹都唔會到, 一陣又話呢個唔啱, 嗰個又話嗰個咁, 所以唔叫喇!
好囉!!! 安落晒囉!!! 佢地唔嚟, 就我就唔使係不甘心嘅情況下仲要請佢地食飯啦!!! 因為如果佢地真係嚟, 咁我就真係好唔願意埋單囉!!! 而家, 安落晒喇!!!
2011年10月28日 星期五
安落晒!!!
訂閱：
張貼留言 (Atom)
好唔願意埋單都要埋架啦，哈哈，你應該好想佢地黎，跟住以其人之道還其人之身，大大聲問除幾多份嘛，等佢扮晒可憐咁過癮吖喇
回覆刪除[版主回覆10/29/2011 19:49:46]你同我老公諗法一樣, 不過, 如果佢地嚟, 我就唔會叫佢地夾, 但係就會同佢地講: 你地放心, 我唔會叫你地夾份架! 因為好似佢地cheap到咁, 我真係做唔出, 更何況, 我要比佢地知道, 嗰千幾二千之嘛, 我唔係好似佢地咁lone!
妳真係好慶幸佢地唔黎. otherwise 蝕到入肉
回覆刪除[版主回覆11/02/2011 12:22:46]佢地唔嚟, 就唔使係不甘心嘅情況下請佢地, 但係如果佢地嚟, 我就可以好痛快咁串爛佢地! (包括我表姐, 因為佢後嚟知道係計埋我嗰份, 佢都係到扮懵話唔知, 仲叫我自己問番佢老豆)