完全迷上了~~~

以前曾經諗過, 滕滕唔知幾時識得R痕係幾咁爽嘅, 因為有時我都會叫佢叫老公幫我R背脊, 尤其係沖完涼之後!

而家, 我發現lai嘢, 真係完全咁lai晒嘢!

由第一日開始, 原來我已經行左條不歸路, 因為而家每晚同滕滕瞓嗰時, 佢都要我同佢R, 唔係頭痕, 就頸痕, 一係就手痕, 一係就PAY痕, 最終目的地就係背脊痕!

一R, 就唔可以停, 就算佢就嚟瞓著, 一知道我停左, 佢就即刻醒左同我講: "呢到痕呀~"

一路R, 一路R, 要R到佢真係瞓著左為止!

之前同亞爸亞媽講, 話我整估佢, 因為佢話條腰痕要我R, 咁我就成機"G"佢, "G"到佢頂唔住話唔痕, 而家, 用呢招唔得喇, 因為原來佢明白晒我同亞爸亞媽講話整估佢呀, 而家一"G"佢, 佢就答我: "唔係咁咁呀, 係R呀!!!" 仲要做埋手勢R落張床到, 話係要咁呀!