人都癲!!!

由滕滕出世嗰一刻, 間屋就已經開始換嘢!

首先就更係換左D柜啦, 因為會知道D嘢一定唔夠用, 所以廳柜房柜換左! 而且怕磚地會另到第日百厭嘅滕滕跌到會好痛, 所以整左木地板!

到滕滕1歲多D, 成張sofa 比佢咬到d皮甩晒, 咁就換左張soft喇, 同一時間, 因為張玻璃枱面會反, 怕滕滕第日"禁"住塊玻璃嚟搖, 所以又換埋張枱!

而家2歲半, 開始破壞力驚人, 因為DVD 機, 風扇, 暖風機, 同大廈通訊開門個對講機, 甚至連廳柜暗槽嘅光管, 比佢整爛埋!!! DVD機都還可以唔換住, 最多開熄開熄, 5/6/7次到就可以play到, 但係個開門對講機, 唔換就真係唔得, 因為有同滕滕講完電話, 佢又唔off, 攪到我要打電話去管理處, 叫佢"禁"對講機call番屋企, 話比個工人聽個電話未收線!  好彩冇事就ok啫, 如果見到滕滕又有危險動作, 打又打唔到番屋企, 就真係大獲喇! 至於暖風機就真係一定要問我家姐攞番, 呢燙真係唔問唔得!

唔知究竟係考合定係專登, 因為同一時間, 個熱水爐又壞(今年已經整左3/4次), 仲要係沖沖下涼自己熄埋, 整都整唔到要換! 而廚柜, 因為太舊到期要換, 再唔換, 唔知何年何月, 可能會突然之間成個跌落嚟! 所以即係又係唔換都唔得!

唉~ 如果成日都係咁, 不停咁換嘢, 咁我就真係賣身都唔掂喇!