馮小姐真係好一個迷, 請個工人番嚟又唔使湊個仔, 就要嚟幫個姑奶做家務, 比$3580個工人之外, 仲比多$4000個姑奶, 因為佢一家連埋個工人夜晚都上去食飯, 而日抖就由個姑奶同佢睇住個仔!
其實, 簡單D, 比錢個姑奶湊BB咪得囉, 使乜請個工人嚟幫個姑奶做家務呀?!馮小姐月薪都係得$11,000, 咁請問夠咩用呢? 佢老公又唔係搵得多, 如果個姑奶識做, 就唔會要佢地洗咁多錢啦, 不過馮小姐話佢姑奶係唔蝕得嗰D人, 所以唔好諗住冇著數就會幫你手!
我問馮小姐, 其實都要比個工人接近下個仔啦, 到時房處批左間大D嘅屋, 個工人遲早都要湊番BB架啦, 如果叫番個工人湊番BB, 就唔使郁動到姑奶, 唔使郁動到姑奶, 就唔使無啦啦又要比多 $4000啦, 不過馮小姐話佢唔想, 因為佢覺得個工人污糟喎! 所以你話幾一個迷呢???!!! 錢又唔多, 但係又咁樣用法? 佢D諗法真係估你唔到!
今日lunch出去食飯, 馮小姐又同我講, 話佢老公同個大女, 唔整好晒d衫, 佢係唔會同佢洗衫喎! 點為之整好晒先可以洗呢, 就係要張件衫番轉晒, 個底番左出嚟, d衫"就"唔可以卷起, 鬆開晒就可以同佢洗! 馮小姐話佢要佢地咁做, 係因為佢唔想整慣佢地懶, 下下都要個工人做喎! 我聽到都覺得一個迷, 個工人掠衫都要"洋"開d衫掠架啦, 仲咩佢地規定人地整好件衫先有得洗喎! 我真係忍唔住同馮小姐講: 你擺明撩交嗌! 而家都請左個工人番嚟, 工人係要做埋呢d嘢架啦, 呢d咁小嘅事咪算囉, 你話要你做, 就唔同講法啫, 而家又唔使你做, 嘈小一句就一句啦!"
生左bb, 其實好多人都以為生會一定會係幸福過以前, 但係, 因為多左個bb, 磨擦多左, 而且仲多埋個工人, 就仲多多一樣嘢煩! 我唔明, 點解馮小姐做埋d咁一個迷嘅嘢, 因為佢以為自己好勁, 因為佢老公同個女都好無奈咁跟佢咁做! 不過我知道, 而且我亦都講出嚟: 如果你再係咁, 你個女仲更加憎你!
我有個朋友又係，成日以為自己好勁，好叻，其實豬一樣咁蠢
回覆刪除[版主回覆02/15/2011 10:11:00]蠢唔緊要, 人地講咪用下個腦去諗囉, 人講又唔諗, 仲要做死自己嗰一套, 又要成日同人講, 好撚煩!
係呀係呀...佢地就係覺得自己好叻，所以洗乜聽你講囉
回覆刪除[版主回覆02/15/2011 12:38:00]咁佢唔好九問我啦!!!!!!!!!!!!!!!!!!!!!!!!!!!!!!!!!!!!!!!!
日日講! 日日問! 我就要日日聽! 仲要日日答! 真係火撚滾!
痴線，唔問你點顯得佢叻你蠢啫
回覆刪除[版主回覆02/15/2011 15:04:00]咁我就要恭喜佢喇, 佢終於都叻喇
咪咁啦，你咪比人叻一次囉，我地成日都咁叻，好悶架嘛，無佢地，邊得黎有啖笑
回覆刪除[版主回覆02/15/2011 16:56:00]咁就真係唔好意思喇, 因為我真係只係覺得佢:戇九啫~
佢唔用個工人, 不如俾我用喇...反正都要俾錢個工人嘅!!!
回覆刪除[版主回覆02/16/2011 17:12:00]佢請個工人嚟服侍佢個姑奶呀!