今個情人節覺得好悶, 唔係因為老公要番工所以先覺得悶, 而係覺得就算老公係身邊, 我諗我都會覺得好悶!
生左滕滕之後, 好多嘢都唔同晒, 所有日常生活都好規矩, 包括一放工就番屋企, 一放假就係屋企, 好多嘢都會為左滕滕為首! 唔知係唔係因為我太緊張滕滕, 所以二人世界嘅時間變得越嚟越少, 少到好似冇咁济!
有人同我講, 咁樣係唔得, 因為兩公婆一定要有番d二人世界時間, 先可以維繫關係, 但係可惜每次叫我不如留滕滕係屋企, 我同老公兩個出下街嗰一刻, 我就覺得滕滕好似好慘咁, 得個工人姐姐倍佢!
亦都可能老公都已經覺得, 三人行都係必定, 所以感覺上什麼浪漫嘢, 肉麻嘢好似越嚟越唔覺!
係唔係男人就係咁呢? 時間越耐, 就好似乜都唔使做! 我問老公佢會唔會係咁, 佢就答我: 戇居!
而家, 我就係係到等緊老公番嚟同我去食情人節宵夜喇! 唉~ 好過冇啦!
都唔一定呱?!
回覆刪除不過有左細路係冇左好多自由就真
[版主回覆02/15/2011 13:09:00]我覺得逢男人都係咁, 不過時間長短不一咁解啫~
連你自己都覺得留低滕滕一個人係屋企慘，更何況你老公呢?你咪同你老公去澳門一日遊玩下囉...
回覆刪除[版主回覆02/16/2011 10:35:00]唉~ 去澳門我老公覺得好無謂, 佢會話唔去!
點解呀?澳門有好多嘢食架，又可以入賭場玩下...
回覆刪除[版主回覆02/16/2011 11:41:00]一來, 我地兩個冇你地咁食得同捨得食, 二來, 我地都唔係好好賭錢!
我仲離譜, 結婚週年都唔記得。反而我老公記得, 煎牛排比我食。不過, 都比未生阿仔時簡單好多。之前, 每年會去結婚間酒樓食飯 ga ~
回覆刪除[版主回覆02/16/2011 12:21:00]唔好講你, 頭嗰一年多, 真係乜都唔記得晒! 而家滕滕大個左d, 好多嘢先進入番狀態, 不過都唔會同以前一樣喇!