因為滕滕成日撞埋牆, 所以我搵左個師傅嚟同我整左塊板, 加左D棉, 捫埋皮, 黐左係張床側邊! 剩惠700個大洋!
個師傅好賤,我撰呢隻色唔可以同我本身隻色match我都預左, 因為始終唔係搵番之前嗰間傢私鋪, 更何況而家呢個師傅, 只係有一次係我屋苑門口見到佢係街到同人番捫坐位搵番嚟, 所以我都預左油麻地, 只係唔想滕滕成日撞到個頭就算喇! 不過塊板第一次送嚟捫錯左色個師傅唔出聲, 諗住爻大霧我睇唔到! 跟住我見到隻色深左咁多, 我問佢佢先嚟講, 幾仆街呀! 仲話減我50蚊叫我要左佢! 佢真係發神驚囉, 呢塊咁嘅板有咩技巧先, 佢收我7舊水我都照叫佢做, 我差都唔係差嗰50蚊啦, 真係忽上腦!
最興就係諗番起之前叫佢同我番捫嗰張sofa仔, 佢都係收我180蚊, 我仲好人到比200蚊佢叫佢唔使找! 睇下, 呢張sofa仔, 唔難過我床側邊埋板???
真係仆街佬, 見我好人就搵我苯, 我一陣會出多個blog, 連埋佢張卡片post 上嚟唱衰佢!!!
同人番捫坐位搵番???呢句野點解呀?
回覆刪除之前叫佢同我番捫嗰張sofa仔???番捫即係乜?
我睇你呢篇blog...有好多?
[版主回覆02/04/2011 15:55:00]可能我太 pro, 講埋d行內嘢你唔明呀 !
番捫-->即係重新"猛"過個個coating! 整過一塊新嘅外層, 外層可以係布/皮/其他質料!
"同人番捫坐位搵番"--> 即係我見到條友嗰時, 佢嗰時同人拆緊張坐位嘅舊皮, 幫人重新整過一塊新皮面!
你個做法好好喎! 我都諗吓做兩塊嚟防止呀B撞頭先.
回覆刪除[版主回覆02/06/2011 00:33:00]佢地呢個時間已經進入左痴嘅階段, 所以要諗方法阻止佢地撞到呀!
係我叫佢減二百喇~~~減$50條氣都唔順啦!!!
回覆刪除[版主回覆02/07/2011 23:29:00]減二百我都唔要啦, 隻色太深喇! 更何況我唔肯, 我老公更加唔肯啦!
咁呢張已經換咗喇?
回覆刪除[版主回覆02/08/2011 19:51:00]張椅已經換左喇, 因為之前係布嚟架! 呢張嘢, 佢收我$180呀!
都ok吖，幾靚呀
回覆刪除[版主回覆02/11/2011 12:11:00]佢同我番捫呢張椅都係180蚊咋, 所以你話佢係唔係見我200蚊唔使佢找, 就下次"作"我吖!
唔會呱，可能棉花價錢上升至會咁貴啫
回覆刪除[版主回覆02/11/2011 13:11:00]咁你就真係比佢厄埋喇, 就算貴, 都唔係搶囉!
不過, 呢d又叫你情我願! 如果唔係因為我唔想滕滕成日撞牆, 我都唔使比佢咁樣搵苯!
咁加啲攬枕係床邊都得啦啦啦
回覆刪除[版主回覆02/11/2011 22:39:00]滕滕活動範圍, 係你無法估計!
咁又係...
回覆刪除[版主回覆02/12/2011 21:18:00](Empty)