星期六去左行年宵, 一心諗住買個輕氣球比滕滕, 等佢見到個波波升高左, 以為會好得意, 點不知真係估佢唔到! 因為番到屋企, 滕滕見到個波波升左上去個天花板就不停咁喊!
唔好似為佢因為個波升左上去個天花板佢攞唔到先喊, 而係因為個波波唔係係地下, 佢唔鐘意個波波升高左, 所以就喊到九彩! 我張個波波攞低d比佢, 佢又喊, 我張個波波拉落嚟比佢, 佢又喊, 只有我張個波波"禁"抵佢, 好似張佢放左係地下上面佢先肯收聲咋!
你話呢~ 我諗住買個輕氣球波波比滕滕玩開心下, 點不知佢就極之唔開心, 真係估佢唔到!
係佢心目中波係係地, 唔係係天. 哈! 我都試吓買俾ANSON玩吓, 睇吓一唔一樣反應先.
回覆刪除[版主回覆02/01/2011 12:29:00]佢咁嘅反應, 我都不知幾一個迷呀! 你買個比anson 玩, 我都想知佢咩反應呀! 記得話過我知吓!
因為佢掂唔到個波波 ，小朋友嘅世界真得意
回覆刪除[版主回覆02/01/2011 12:34:00]唔係掂唔到個波波喊呀, 因為我拉低左比佢, 以為等佢掂到就收聲, 但係點不知都唔收, 只有我張個波波"禁"抵佢, 好似屋企d波波咁放係地下, 佢就收聲喇! 但係如果我一放心, 佢又喊, 我一"禁"番抵佢, 佢就又收聲!
嘥料...熙熙好鐘意玩架, 係酒店食早餐日日都送俾d小朋友, 熙熙當寶咁攬到實一實^^
回覆刪除[版主回覆02/04/2011 12:40:00]我起初都以為佢會好鐘意啦!