個新工人嚟左幾日, 睇落去都算正常, 起碼正常過之前嗰個好多好多先啦!
不過, 滕滕唔知咩事, 換左呢個新工人之後就開始越嚟越曵, 呢幾日食飯都唔肯坐係張high chair 到, 不停咁喊同叫, 死都唔肯坐, 就算我打番去, 個電話開左個speaker 鬧佢, 都係好不願意咁坐抵! 個工人講, 佢其他嘢都冇乜嘢, 男仔都係成日走嚟走去, 攪嚟攪去, 唔算係d乜嘢, 只係食飯就曵囉!
第二日單對單, 個工人同我講佢開左電視比佢睇, 佢先肯食晒碗飯! 我一聽到開電視?! 唔係嘛, 個工人問都冇問過我可唔可以開電視就比佢就開左比佢睇, 慕求佢食晒碗飯!
但係, 我唔鐘意咁囉! 我要滕滕食飯, 係要坐定定, 玩住玩具嚟食都還可以, 但係睇電視真係NO WAY 囉! 而家個工人比一個次佢, 我真係好怕滕滕以後都要就死喇!!!
咁唔開電視比佢睇,有咩辦法令佢坐定定食飯呀?
回覆刪除[版主回覆01/30/2011 15:51:00]某個程度上我個要求都幾高, 因為我要滕滕坐係張high chair到食飯唔可以落地, 又唔可以開電視比佢睇, 所以其實要睇下個工人有咩花臣可以另到佢食晒碗飯! 不過又咁講, 之前嗰兩個, 都係用佢地自己方法去另滕滕坐定定食飯!
咁你教個工人點做囉...
回覆刪除[版主回覆01/31/2011 10:22:00]可能其實就算個工人點做, 滕滕都整佢! 因為我呢兩日個工人放假, 我都係好似平時咁餵佢食, 而且隻豬仔仲不知幾乖食晒! 老公都問我, 點解我要佢坐住食飯佢唔嘈, 個工人餵佢就嘈到拆天!
唔通佢唔鍾意個工人，係咪聽慣走音歌呀?
回覆刪除[版主回覆01/31/2011 14:16:00]滕滕一見到呢個工人就要同佢玩, 所以應該唔係唔鐘意, 而係知道係可以"恰"囉!