今日係第二日滕滕同個新工人單對單! 我冇係公司成日望住隻眼, 不過就開左聲聽, 今日成日都聽到滕滕係到發皮4!
唔使睇, 我知道滕滕"恰"個新工人, 個工人叫佢做D嘢, 佢實係唔肯去做先發出D咁嘅聲音! 不過我冇睇到, 因為今日都係忙到死!
6:15PM, 我睇一睇個CAM, 睇到個工人揸住滕滕碗飯四圍走嚟餵佢, 跟住我就打電話番屋企, 問滕滕仲咩唔坐係張HIGH CHAIR到, 跟住個工人同我講, 佢死都唔肯坐, 係到發皮4! 其實我尋日都同個工人講過, 如果滕滕好曵就打比我, 開個SPEAKER 等我鬧佢, 但係個工人冇, 可能怕我做緊嘢唔得閑! 不過, 我睇到呢隻曵豬, 我真係忍唔住打番去鬧佢, 叫佢好SIT DOWN 食飯!
番到屋企, 未開門, 滕滕聽到鎖匙聽都係例牌咁好HIGH係到叫, 迎接我番嚟, 不過佢諗都諗唔到我一入屋就好惡咁望住佢, 問佢仲咩今日咁曵曵! 訓話完一輪之後, 滕滕好似知衰, 唔咁出聲, 跟住就係咁係到講曵曵, 曵曵!
個工人同我講, 佢已經鬧佢, 叫佢唔好曵曵架喇, 不過佢雖然好惡咁望住佢, 但係滕滕仲係到笑, 仲要係對住佢笑, 個工人話跟住佢都忍唔住笑! 唉~ 你話死唔死!
滕滕仲要郁下手打個工人, 唔使講, 更係又比我鬧+打手手啦!
點解換左個工人, 我個滕滕曵左咁多嘅???
可能佢未習慣啫...
回覆刪除[版主回覆01/26/2011 14:18:00]未習慣都唔使打人啫~
保護自己吖嘛，哈哈哈
回覆刪除[版主回覆01/26/2011 14:50:00]即係先發制人, 兇左人先啦!
佢咁細個就識得保護自己，你放心晒啦
回覆刪除啲小鬼好醒架！知道邊個蝦得，邊個唔可以蝦！ 我試過响個 cam 到見臭豬起手打姐姐；而姐姐又唔避，咁我咪打返去，叫姐姐打佢隻手仔再同佢講唔好！
回覆刪除[版主回覆01/28/2011 15:44:00]我都唔明點解佢地會知道邊個蝦得邊個唔蝦得! 而且我又唔明, 之前嗰個滕滕都唔鐘意佢, 又唔見滕滕打個工人!
佢已經知道個姐姐好恰. 恭喜你搵到個好姐姐呀!
回覆刪除[版主回覆01/28/2011 15:43:00]個姐姐好唔好都仲未可以講到, 只可以暫時話係正常啫~
hello, 我有睇開你個 blog 呀。不過, 第一之留言。我個仔之前都係成日打姐姐。初頭响我面前打, 成日比我鬧。之後佢居然伸隻手打姐姐個背脊以為我睇唔到。不過, 比我聽到有聲! 最後都係要比我鬧。鬧得多, 佢依家唔打 lu。
回覆刪除姐姐又係衰既, 佢有同阿仔講唔可以。但, 又惡唔起。有一次阿仔一野聲落姐姐塊面。我火起想打阿仔, 點知姐姐仲要保阿仔, 話佢 only a baby wor~ 唔蝦佢就奇。
[版主回覆01/28/2011 15:42:00]我個姐姐都係吖, 一見到佢望住佢喊, 就比佢揇住, 呵佢喇, 姐姐同我講佢唔怕佢, 我話更係啦, 下次我鬧佢, 咁你就走開, 唔好比佢厄到你! 不過, 我個滕滕都仲係知道姐姐係可以蝦得! 反眼!