我真係頂佢唔順!!!!!!!!!!!!!!!!!!!!!!!!
係佢我係BLOG到識, 佢份人真係好一個迷, 佢同我講左好多關於佢自己嘅嘢, 起初都冇諗住佢咁Q煩, 但係識落左, 我真係估唔到佢煩得咁緊要!
早排心情唔好, 又比個工人煩到而家, 所以一見到佢打嚟, 我都冇心情聽佢電話, 因為佢嚟講去, 又係講佢老公D嘢! 佢老公係一個極到嘅衰男人, 衰到連男人都唔係, 我已經講左好多道理過佢聽, 不過佢份人又冇腦又唔去諗, 同佢講嚟講去都係運個吉, 所以我都唔係好想再理佢, 因為衰D講句, 佢都係自己"中"個頭埋去攞嚟賤!
我明白點解佢一個朋友都冇, 因為佢真係好煩, 份人又唔識做, 每當我唔得閑嗰時, 佢仲好唔識趣咁係咁搵我, 仲要同人講我唔聽佢電話!
原本我都冇諗住唔覆佢, 不過佢D攞命電話真係煩到你唔想打番比佢! 我都唔明佢已經係單拖湊住個仔, 應該好唔得閑先係, 但係佢都仲係不停咁打比人! 大佬, 我要番工, 佢唔使, 咁打過一次嚟我冇聽, 就已經可能我係唔得閑啦, 咁仲咩仲要不停咁打嚟先! 成日同人講, 我又唔聽佢電話! 人地都頂佢唔順, 叫佢放過我呀! 呢句"你放過佢啦", 咁都唔明??? 唔係卦!!!
我就係咁, 你越係打嚟, 我就越係唔聽, 你越係咁死煩, 我就越討厭你!
算啦, 見咁耐都冇覆電話比佢, 咪係FB到同佢講左一句: "亞仔大個左好多!" 之後佢就話好耐冇見我! 冇見我? 我連我自己D朋友都冇見啦, 更何況你? 跟住佢仲要話唔得喎, 一定要我搵個時間約出嚟喎!
天啊! 你冇嘢吓嘛!!! 你做人有冇咁唔知醜呀!!! 有人已經同左你講我比個工人煩到死咁济, 而家我都襯口同你講我好唔得閑啦!!! 請問你何得何能一定要我見一見你呀!
FINALLY, 我真係頂你唔順, 我已經DELET 左你!!!!!!!!!!!!!!!!!!!!
你咁寃氣架~~~佢得你一個朋友咋?
回覆刪除[版主回覆01/09/2011 16:22:00]佢成日都講佢有邊個邊個朋友幫佢乜乜乜, 幫佢物物物, 但係去到緊要關頭, 我又唔見有人出手幫佢喎!
我地都係係BLOG到識, 見過兩三次面, 熟就唔係好熟, 就係唔係好熟佢都煩到我爆!!! 我諗佢D朋友都唔係好頂得佢順!
係佢自己攞嚟, 與人無尤~
回覆刪除[版主回覆01/09/2011 16:22:00]所以佢番工嗰時, 一個同佢傾得埋嘅同事都冇就係咁解囉!
你係咪講緊小b媽呀?
回覆刪除你打晒出來,如果佢上blog係咪唔會睇到?因為你delet咗佢,所以睇唔到呀?
嘩!佢真係煩到你叫救命喎!你咁講!我都驚驚地,怕會好似你咁樣揾我呀!其實我以前都有一個男性同一個女性的朋友又係好似佢咁樣,最後我要改電話來避開佢哋呀!佢哋三間半夜都打來,一早又打來,有事無事又打...........我都真係人都癲呀,跟住老公一定要我改電話!
我同佢講嘢的時候我都幾串架!可能佢覺得我唔好,所以佢唔敢煩我架!其實一個人照顧小朋友,應該好唔得閒,好似我咁,要依家先上得網!不過我覺得佢係無全心全意照顧小b仔囉!佢買好多食物比小b仔食都係完成的,好少係佢自己整的,如果係我一日囝囝幾餐都係我煮,真係少啲時間都做唔完呀!所以咪唯有犠牲自己的睡眠時間囉!
本來我都想打電話向你拜個年,但係又係忙照顧囝囝,搞到無時間打,當有時間的時候又怕你忙,所以無打呀,sorry呀!
新的一年,祝你事事順竟,身體健康,心想事成,升職加薪...........新年快樂!
[版主回覆01/09/2011 16:30:00]新年快樂呀!!!! 唔使咁介意打唔打電話啦, 因為大家都明白湊仔好忙吖嘛, 只係佢一個唔知點解咁得閑成日煩住人啫!\
我係講佢呀, 不過佢睇唔到, 因為我已經張佢變成普通BLOG友!
我都已經明刀明槍咁同佢講我唔得閑理佢架啦, 但係佢仍然係痴九左線咁話一定要見我喎, 簡直比佢吹爆啦!
佢其實都冇咩愛心, 並唔係佢所講嘅咁有愛心接D狗狗番嚟養咁囉! 就算個仆街死佬唔理佢地, 佢就更應該好好照顧個仔啦, 唔係連買張百幾蚊嘅床比個仔都唔捨得, 自己就係咁SEND SMS就捨得!
我上次都已經好唔客氣話佢留番D錢比個仔用好過啦, 成日係咁SEND SMS 嘥晒D錢! 跟住佢仲要SEND多個嚟話因為好卦住我喎! 佢都冇得救, 我真係唔想再睬佢!!!
呢個世界就有呢d 人, 我個friend都係咁架．．．．叫佢唔好同o個個女仔拍拖, 講晒佢d 唔好, 都要去死...唔通我可以阻到咩...
回覆刪除算吧啦...呢d 人唔識好過
[版主回覆01/10/2011 09:45:00]係呀, 真係唔通佢要去死唔比佢去咩!
我d fd個我今次攞屎上身呀!