好想喊呀!

真係發瘟! 公司好多嘢做, D客D嘢, 個個都好趕, 樣樣都好趕, 仲要一次過落幾隻柜, 又要落BKG, 又要對提單, 又要整文件比D客CHECK! 今日仲要番一番公司整D文件寄UPS比佢! 好彩老公車我番去, 佢可以順便去整車, 如果唔係, 來來回回又半日喇!

 

今日搵左亞媽入嚟同我頂住3個鐘比我番一番公司, 不過番到嚟屋企, 又要整公司嘢, 又要教個工人整嘢, 人都癲呀!!! 我係到大叫話好忙好辛苦, 就嚟做到我死, 亞媽居然話我, 更係啦, 你D嘢堆埋幾日先嚟做!  去到呢一刻, 我FEEL到辛災樂禍囉! 亞媽不嬲都唔識講嘢我知道, 不過我都忍唔住出聲叫佢, 不如你一係唔好講嘢啦, 一講就得罪人, 我做嘢做到半夜三更你唔知, 就唔好講埋呢D嘢, 人地已經忙到就嚟死, 仲要話我D嘢幾日唔做就更係咁!

 

唉~ 我真係錯左, 早知星期六先嚟抄個工人, 等個同事星期一開始番工, 咁跟住我先放星期一, 二, 三, 咁我就唔使做到就嚟死啦!