痴左線過後~

上個星期, 簡直係人都癲! 抄左個工人, 嚟左個新, 好多嘢都要同佢講, 但係又唔可以比壓力佢, 因為我本身唔係要佢一講就識、就知、就記得(雖然我好想), 都要比小小時間人地嘅, 最緊要係有心去做!

公司又忙到反艇, D客一係唔攪我, 一攪我就一斉同一時間嚟攪我! 攪到好似一日30個鐘都唔夠時間做!

好喇, 今日馮小姐第一日番番工, 我都預左佢今日都做唔到D咩, 因為休息左咁耐, 第一日番嚟都係要慢慢先可以過番比佢! 果然不出我所料, 佢今朝一朝, 半日都冇做過D乜嘢, 而且佢仲同我講佢仲好似遊緊暈咁!

今日番工, 個工人都OK, 佢好似攪得掂, 唯一有小小唔得就係滕滕, 係滕滕"恰"佢!

 , 呢條曵豬係, 真係"恰"得就"恰"! 今日番到嚟, 個工人同我講, 滕滕居然對住佢玩噴水! 一聽到, 我咪攞住佢隻杯, 做一次佢噴水嘅假動作嚟鬧佢囉, 呢條曵豬居然即係扮喊, 好慘咁望住個工人喎! 哼~ 我諗滕滕都唔使冇幾耐, 我一鬧佢, 佢就即刻搵個工人嚟嗲喇!

老闆冇見我幾日, 佢又話我瘦左喇! 鬼咩, 星期三開始放假, 第一晚做到點幾, 第二晚做到十二點幾, 第三晚星期五, 就因為下午番左工人整一整嘢, 唔記得帶隻手指番嚟先唔使整到咁夜咋! 到左尋日, 我頂唔順喇, 要去探DR, 因為喉嚨發炎!

我諗過多一兩日會好D架喇, 過番D嘢比馮小姐之後!