上個星期六, 我同滕滕去左珈琳 interview, 因為表姐講左一句, 佢話佢只係識九龍塘嗰間, 咁我就開始打左個問号喇!
因為1.乜九龍塘有間叫珈琳咩? 2.如果真係(唔通真係?), 會唔會有咁筍嘅嘢係屯門區呀?
因為都唔得閑上網check, 所以表姐講完我都冇理, 咁星期六就去左interview! 學校都冇乜嘢, 只係出面馬路修路我唔係咁鐘意啫, 不過都唔緊要啦, 因為我個心一心係想滕滕可以快d番學啫! 見完, 個老師已經即時話ok冇問題, 可以安排我係今年九月入學, 跟住就遞左張銀行入數紙比我, 叫我去交留位費喇! 我一見到係中信嘉華, 我就問老師有冇其他銀行, 因為呢間好似唔就腳, 跟住老師就望實我咁答我: "哦, 唔係呀, 嗱我地呢間學校一出轉右就有間中信嘉華, 直頭係隔離架咋, 你可以一陣入埋比我地都得架!"
係呢一刻, 我開始覺得有d唔對路, 因為好似冇咁"筍", 一 in 即收, 仲要好似急住叫我入錢比佢, 同埋老師剛才叫我可以一陣入埋錢留位比佢嗰一刻, 我覺得好似迷暈黨同補藥黨囉!
我又範我唔係喎，咁你話唔就腳，人地梗係咁答你架啦，唔通寸寸槓，叫你上網搵地址交費咩? 咁而家咪有學校收滕滕囉?好嘢呀~~~
回覆刪除[版主回覆01/12/2011 15:15:00]但係個MISS D眼神係眼定定咁, 十足十D迷暈黨咁架!!! 個MISS仲係好想好想我即日入錢留位!
呢間係收, 不過我唔係好想同佢入, 因為佢地好似冇乜人讀咁, 所以好想滕滕入去讀!
你表姐係咪想講迦南呀?乜黨都唔緊要喇, 至緊要有位讀
回覆刪除我樓下間青衣商會仲搞野喇, 問佢幾時有得interview, 佢答唔駛喇, 問佢點知幾時收, 係咪有信(cos佢收咗我2個回郵信封)通知?佢就答我: 打電話俾你嚟買校服就返得學架喇!!!
反唔反眼呀?
[版主回覆01/13/2011 09:55:00]如果星期二interview 嗰間收, 我就唔想去呢間珈琳喇! 雖然讀k1都會番去我屋企嗰邊, 但係呢間珈琳, 我對佢唔係好印象囉!
迦南好嘢嚟喎! 滕滕醒. 人地先會收咋, 快D交留位費啦!
回覆刪除[版主回覆01/13/2011 09:56:00]唔係迦南, 係珈琳, 我都比佢攪亂左! 佢地改個名都好似想魚目混珠, 所以我唔係咁想比滕滕讀!