尋日同姨甥仔飲茶, 係閑談之中, 發覺做人後母甚艱難, 但係做唔係親生仔女嘅仔女就仲慘!
我真係好想知, 好想問, 個男人究竟知唔知自己而家個老婆咁樣對自己同前妻生嘅仔呢? 姨甥仔同我講, 當星期日個乞衣同佢個親生仔去左街嗰時, 個乞E冇放抵任何錢比佢食LUNCH, 如果食, 就自己煮即食麵! 咁請問, 如果換轉係佢自己個仔, 唔知會唔會叫佢自己煮即食麵呢? 姨甥仔話, 好似平時番學咁, 問個乞E攞錢番學, 個乞衣就話冇散紙, 一係就冇錢, 已經唔係一次, 而且好多時都係咁!
個乞E 可能知道平時嫲嫲會比錢姨甥仔, 但係嫲嫲比都係用佢自己D官材本攞出嚟, 就算係有比, 都唔關佢事, 佢嫁得比呢個男人, 就應該知道要照顧呢個小朋友!
因為生左之後都好少見到佢, 所以我每次見到佢, 都會比錢佢, 同埋買嘢比佢, 可能就係因為咁, 個乞E覺得姨甥仔收埋唔少錢, 所以番學嘅洗費佢都想唔比!
有時係到諗, 破碎家庭, 究竟跟亞爸好定跟亞媽好? 如果跟住個盲嘅老豆, 咁就不如唔好跟! 但係如果跟住個只係顧住男人嘢亞媽, 咁就真係唔知點算好!
所以我成日都同姨甥仔講, 叫佢努力讀書, 第日搵到錢就唔使再睇個乞E面口!
仲乜唔同爸爸講呢???
回覆刪除[版主回覆01/04/2011 22:09:00]佢老豆只係聽個乞E講, 個乞E話乜佢老豆都覺得係, 覺得啱, 所以我先至話: 係盲嘅!
呢個小朋友真係慘呀!
回覆刪除[版主回覆01/05/2011 10:23:00]好彩佢好聰明, 暫時都仲好乖啦, 有時!
咁姨甥仔可以同爸爸告狀架嘛~~~
回覆刪除[版主回覆01/05/2011 10:19:00]冇用! 中毒太深, 仲要而家生左個, 講乜都冇用!
仲有, 姨甥仔個性格係唔會咁做!
呢個後母真係好差！個老豆更加係極品，無埋由睇唔到呢個老婆點對個仔！
回覆刪除[版主回覆01/15/2011 23:35:00]所以咪就話個男人係盲個囉, 佢仲講話佢而家個老婆對個仔好好呀!
佢老豆唔係盲；佢嘅心態應該係 : 要人信佢老婆鍚個仔，一定要自己 "握" 咗自己先；咁人哋先會信佢老婆鍚佢個仔嘛
回覆刪除[版主回覆01/16/2011 23:21:00]佢老婆衰得咁交關, 想搵人信都幾難囉!