今日睇第三次, 終於買左喇! 比之前個死人工人比滕滕玩到部細機玩到爛左, 真係好唔方便, 攪到死兩個月都冇乜同滕滕係屋企影過相咁济!
原本我想買richo d 機,不過老公聽到個價錢就話我買部傻瓜機都買成4千蚊, 問我係唔係有病! 好啦, 佢話我有病, 咁我咪叫佢撰囉, 不過佢就即刻洒手寧頭! 唔撰咁貴, 咪撰低一個level 囉, 老公就話個樣好膠! 咁即係咁又唔係咁又唔係啦!
第二次, 個sales 介紹panasonic, 話個鏡影相出嚟真係幾靚架! 老公又話都唔知係唔係! 睇嚟睇去, 都係冇結果!
就嚟過年喇, 我唔想過年冇相機用呀!!! 老公因為過年初一、二都要番工, 咁我一個人單拖出去, 攞部大機真係好攞命架, 所以今日同老公講今晚真係真係要去睇喇!!! 去睇之前, 我又再一次講, 如果既然買機, 冇奶油買埋d又舊款, 像數又唔高架嘛!!! 雖然係傻瓜機啫, 但係如果影d相出嚟唔靚, 咁我寧願唔買喇, 最多唔撰新款, 但係d質素唔好太差囉!
可能老公都認同我嘅講法, 所以去到佢都冇reject 我問個sales richo d 機嚟睇! 個sales 知道我地係要嚟影滕滕, 所以佢sale 我地光圈比較大小小嗰d 機, 再講幾講, 佢攞左部sony比我! 部sony一揸上手, 影左幾張, 我就即刻鐘意左佢喇!
因為滕滕隻腳咁摷都影到出嚟, 你話部機幾ok 呢~
我都覺得家吓D細機出街又方便, 影相又快又靚. 影出嚟拍得住大機啦.
回覆刪除[版主回覆01/31/2011 10:11:00]係呀, 所以如果我單拖出去, 攞細機係方便方便好多囉~!
咁個光圈有幾大呀?
回覆刪除[版主回覆01/31/2011 10:10:00]2.8呀!
DC黎講算大喎
回覆刪除[版主回覆01/31/2011 10:43:00]其實都有小小大啦, 我而家搵緊個袋裝住佢, 唔使用佢本身嗰個相機袋!
原裝好唔靚咩?
回覆刪除[版主回覆01/31/2011 12:46:00]原裝個袋雖然唔算好大個, 不過我略嚴大嚿!
咁快啲買埋過年啦
回覆刪除[版主回覆01/31/2011 14:23:00]個套要慢慢搵, 好難買呀!
你試下去city super 嘅log on搵下，佢地買啲相機袋好靚好新潮架~~~
回覆刪除[版主回覆02/01/2011 12:52:00]聽講話屯門市中心都開左間log on 呀, 我都好想去睇下有d咩嘢買!
摷極都一樣係咁豬
回覆刪除[版主回覆02/01/2011 17:08:00]隻腳豬有鬼用咩! 又唔見個身豬!