自從滕滕過左d咳比我, 佢就再冇發燒喇, 基本上都似已經好番!
因為滕滕仲有兩聲咳, 所以尋日同佢去覆多次診! 3:30pm打去問, 姑娘話仲有12個, 所以我就諗住4:00出門口都未遲, 不過3:50姑娘打嚟話叫我唔好咁遲, 因為係我前面嗰d都未有人到, 所以收左線就pang pang聲出門口! 真係頂佢個肺, 去到4:05, 姑娘話仲有2-3個, 咁咪以為好快啦, 點不知一等, 等到5:15先有得睇!!! 大佬, 個醫務所咁多病人, 走開又唔係, 唔走開又唔係, 因為個姑娘每一次係醫生房, 輪到睇症時打開門之後就好細聲咁叫: "一二三, 下一個係八九十!" 而且, 個DR又多嘢講, 每次睇症都成10-20分鐘不等! 一句講晒, 下次唔再信個姑娘講嘢!
番到屋企都已經5:30有多, 食完藥, 滕滕都唔想瞓, 直到八點幾, 滕滕開始痴線~
我食左藥都已經high 爆, 再加埋滕滕, 我簡直係頂佢唔順! 叫極唔聽, 打極唔理, 捉佢唔住, 換條片換左成10分鐘都換唔到, 不停咁將個頭撞落個枕頭到, 而且仲成日搵門牙"作"落我個額頭到, 簡直係瘋左一樣! 呢個咁嘅情況, 維持左成半個鐘至九個字!
跟住, 我已經筋疲力竭, 寧轉面瞓覺, 唔再理到佢, 因為我都已經high 爆, 而過左一陣, 滕滕就自己瞓著左!
佢食咗啲咩藥咁high呀???你同bb都要take care呀
回覆刪除[版主回覆02/15/2011 10:56:00]可能佢肯瞓就會好d!
wah 咁好架咩d 姑娘? haha 可能佢怕自己冇得收工
回覆刪除[版主回覆02/15/2011 13:08:00]有d姑娘肯架, 因為你都估到啦, 佢都想早d收工架嘛!
我個仔之前睇 e生食完藥都好似傻仔咁 high ~ 不停咁四維行, 仲勁出汗。之後同個 e生講返, 個 e生仲同我講唔好意思, 開 d 無咁勁既藥。
回覆刪除"成日搵門牙"作"落我個額頭到" ==> 哈哈哈 ~ 真係好攪笑。
[版主回覆02/16/2011 12:19:00]d藥真係好high, 滕滕又係, 不停咁郁, 勁出汗, 但係d手腳就凍架!
佢嗰日"作"完我額頭之後去照鏡, 我個額頭真係好傷呀, 佢傻左呀!