你又嚟喇~

馮小姐已經番左工一個星期, 而呢一個星期日日都有講佢個女&個仔! 講我都預左啦, 不過佢D嘢好似又開始番發囉!

今日公司食埋團年飯就放工喇, 係食飯嗰時, 馮小姐問我, 佢個仔而家呢個時候(2個半月)係唔係要聽D咩音樂喎! 我聽到佢咁問, 我就做番以往作風, 答左=冇答佢咁: "你鐘意比咩佢聽都得架, 有D人比輕音樂, 有D人就比古典音樂, 你鐘意可以比D交響樂佢聽都可以架喎, 我陀住滕滕時, 我成日聽MADONNA, 佢而家聽到D POP MUSIC就即刻係到跳舞喇!" 馮小姐聽到我咁講, 佢就話佢個仔而家一聽到ABC就好似好開心咁!

其實當馮小姐問我: "係唔係而家要聽D咩音樂"嗰時, 我就知佢又想點! 咩要聽D咩音樂先??? 如果佢直接問我可唔可以燒D CD 比佢, 我都應該會幫佢, 不過佢又兜一大個圈嚟問一D咁簡接嘅問題! OH, SORRY, NO WAY!