今日又係單拖同滕滕出去拜年, 因為老公呢兩晚都係番中班! 其實單拖出去, 真係幾辛苦, 因為雖然而家滕滕可以自己行, 但係回程多數佢都要抱, 因為佢好攰! 我知道佢好攰, 但係我又何嘗唔係呢~! 攞住咁多嘢, 佢行嗰時又唔係正經, 一係就跳, 一係就扯住嚟行, 一係就叫極都唔行, 真係少D精力都唔掂!
不過算啦, 都預左! 好彩我而家唔係四十幾, 如果唔係, 真係命都短幾年!
攰都係其次, 瘀先至係至命! 今晚係表叔到搭西鐵番嚟, 可能因為著鞋著得太耐, 滕滕死都要係個西鐵到嘈住要除鞋, 起初我都唔想理佢, 不過佢係咁嘈, 真係唔除唔得, 因為佢D煩音真係另到你好尷尬, 所以算! 我忍你, 比你除! 不過, 一除左, 佢就要扯埋對襪出嚟, 扯左出嚟, 仲要掉落去隔離個女仔到! 個女仔見到滕滕咁掉對襪比佢, 我睇到佢真係想第一時間彈開!!!
個女仔唔係好大個啫, 我諗得十三四歲到, 佢都好似唔識比反應咁, 又想笑, 又唔敢笑! 條曵豬掉晒D襪出嚟之後, 仲要好爽咁企左係張櫈到, 就好似: "嘩~ 舒服晒!" 咁!
係呢一刻, 我望到坐係對面D人個個都望住我地, 而且有個女人仲笑左一聲出嚟!
其實, 唔好講個女人, 連我自己都忍唔住笑, 有冇咁大鄉理呀, 係街到除晒鞋除晒襪! 真係核突到嘔! 如果唔係得我自己一個, 我一定會攞個相機出嚟影抵呢個滕滕豬, 核突到吖!!!
ANSON又係咁O架. 去到酒樓仲核突, 除晒襪鞋放對腳上枱面.
回覆刪除我已經見怪不怪嘞!
[版主回覆02/06/2011 00:32:00]所以真係難為左我地囉~
佢今日仲核突呀, 坐巴士時除晒襪鞋不只, 仲抓埋腳趾. 好彩冇人睇到咋!
回覆刪除[版主回覆02/07/2011 00:00:00]佢地更係著得鞋耐唔舒服呀 !
抓腳趾咁抵死呀 , 咁你有冇聞下佢隻腳嗅唔嗅呀?
扯埋對襪出嚟, 扯左出嚟, 仲要掉落去隔離個女仔到!<------好豪邁呀)))
回覆刪除[版主回覆02/07/2011 23:24:00]你都唔知, 睇見個個都望住我地嗰時, 真係唔知好嬲定好笑, 真係瘀都爆燈!
都係嗰句, 遲下就慣...第一次, 第二次, 第三次都仲覺得瘀...但第四/五/六/七次之後, 就會習以為常!而家咩情況我都會影抵佢先, 就算俾熙爸哦我我一樣影咗先!!!如果唔係邊有得笑呀
回覆刪除[版主回覆02/07/2011 23:24:00]佢唔張對襪掉落去人地到都冇咁瘀呀!