我家的肥滕滕: 激死人喇!!!

自從去完旅行之後, 滕滕就曵到不勘設想! 叫極唔聽, 話極唔理! 去旅行最last嗰晚, 仲比我係酒店打! 其實我真係唔想打佢, 不過佢實在太過份喇! 次次同嫲嫲一齊, 唔係踩嫲嫲隻腳, 就推嫲嫲, 再唔係就當嫲嫲係沙包咁起勢咁壓落去! 大佬, 一陣嫲嫲有事就好大獲架嘛!!!

去完旅行之後, 我落晒命令, 公婆嫲一概都唔准入嚟, 因為我要比時間呢個超級曵豬冷靜下, 而且我要佢知道, 佢曵, 係唔會有人嚟探佢! 上個星期skip左一次冇人入嚟, 尋日婆婆就入嚟喇! 婆婆入嚟滕滕都有曵, 不過係正常嗰種曵, 今日, 就嫲嫲入嚟!

今晚一入屋, 嫲嫲就已經投訴(嫲嫲轉左性)話滕滕用玩具掟佢, 又想用對難掉落佢到! 滕滕都係第一時間駁咀啦, 我話對鞋污糟, 不過佢話對鞋未著過所以唔污糟喎! 哥哥, 唔係唔污糟就可以要嚟掟人架嘛?! 食食下飯, 姐姐同我講佢今日上英文班就走咬個西人老師喎! 嘩~~~!!! 咬人!!! 二話不說, 我即刻的起條友仔, 捉佢出門口唔比佢入屋! 亞嫲見到咁, 過左一分鍾就同我講叫我唔好關門佢一陣會走左去喎! 如果當時同我講呢句嘢嗰個係我老母, 我即時會叫佢收口!!! 不過, 我幾唔撚鐘意都好, 嗰個始終唔係我老母, 所以我只講左一句: 你放心, 佢唔會走左去!

我個心諗, 你估我唔撚怕佢比人捉走左咩, 我唔撚驚過你, 唔洗你講啦!!! 因為我當時心情極之唔老嚟, 所以罰左滕滕企左係屋企門口時, 我同奶奶再冇講過嘢, 而過左一陣, 奶奶好冇引咁話走!

其實, 舊年去旅行時我已經反晒眼, 滕滕吐口水係奶奶個頭到, 奶奶就笑住咁鬧滕滕點解咁曵! 當時嗰一刻我已經問九奶奶, 你其實係唔係好想佢不停咁吐口水係你個頭到啫, 點解你話佢曵時都笑住嚟話佢嘅! 到今次去旅行, 滕滕揸住樽水係到向住奶奶chok, 奶奶又係笑住口咁問滕滕係唔係想整到佢條褲濕晒, 等人地以為佢瀨尿吖! 我一聽到就又再反晒眼咁同奶奶講, 可能明明佢都冇意識係會整濕你條褲, 而家係咁講即係提醒左佢可以咁樣玩啦, 咁究竟你係唔係想佢咁樣同你玩先???!!!

其實我唔想怪奶奶, 因為我知道奶奶係唔知道佢咁樣講嘢係會令滕滕更加曵, 但係我好無奈, 佢每一次見到滕滕, 滕滕都好撚曵, 曵撚到我成個人都噴火 (angry)