尋晚買左最鐘意嘅紫色番嚟, 本身就好開心喇, 開心到今日下午, 其實都仲開心緊, 因為今朝滕滕學校有親子活動, 所以請左半日假去左滕滕學校玩!
隻豬仔一見到我, 就已經係到叫喇, high 到爆燈, 而且仲叫極都唔聽, 老師叫極佢好停下, 佢都已經唔知咩事! 上左半day學, 只有得我隻豬仔最糟, 係攪極都唔停囉, 又尖叫, 又不停咁自己唱歌, 老師講故事又唔聽係到攪同學, 坐隔離個小朋友都頂佢唔順話: 你好嘈呀!
所以我話, 如果你日日係學校都係咁, 老師真係反爆眼! 老師聽到我咁講, 佢話佢見到我, 真係興奮到爆晒燈喎!
放左學校車都冇搭, 因為我要同豬仔去食埋lunch先番工! 所以呢半day真係幾開心!
不過, 番到公司, 為左今晚餐晚飯同老公嗌交, 結果今晚同個best friend 互相慶祝嘅 dinner, 就只有我同個best friend兩個! FINE, 唔緊要, 本身我都冇預佢, 就算佢唔出嚟, 都唔緊要!
銅鑼灣, 真係好Q多人, 搵餐飯食下啫, 都要等等等等! 去搵日本放提, 最快要九點, 去打邊爐, 等廿幾張枱, 去食鮑魚啦, 諗住實有位, 等三張枱都話唔知要等幾耐喎! 頂!!! 結果去左食日本嘢! 貴D諗住service 好d, 點不知成間d 侍應冇一個係有禮貌!!! 個個都黑口黑面! d 嘢食又上得慢, 成左大半, 佢用d好冇禮貌嘅語氣叫我搬位喎, 因為佢想叫我地走, 讓間房出嚟比有班8個人嘅! 我話, 只有一個未上啫, 等咁耐你都未有, 我食埋就走喇, 唔搬! 講完, 條老八婆侍應就即刻攞埋last一個燒帶子入嚟話, 有喇, 係咁架喇, 今晚好多人!
幾撚串呀! 咩"係咁架喇", 呢d 咩service呀???!!! 食餐飯就係咁啤住我地, 見我地食完, 就即刻收晒我地d嘢, 跟住我都冇叫埋單, 就即刻攞單入嚟叫我即埋左佢! 到呢一刻, 我已經忍唔住問佢, 我都冇叫埋單, 你迫我地走呀?! 條老公婆侍應就即答: 唔係呀! 你埋左都可以慢慢坐架!
好! 埋左我就慢慢坐! 真係佢老味個化西!!! 食餐飯點解都要咁撚興!!!
2011年12月2日 星期五
把九幾火的一天!
訂閱：
張貼留言 (Atom)
比我打成唔埋張單，你可以話，我仲有嘢想叫，唔埋住;又或者，你態度好撚寸，我坐到你last order至埋
回覆刪除[林林回覆12/06/2011 09:29:36]希望佢地會作出改善啦，雖然我地都唔會再去呢間喇~~~
[版主回覆12/05/2011 22:59:34]我今日打左去佢地TST個分店到投訴喇, 聽電話嗰個話佢自己係老闆嚟, 叫我唔好介意講比佢知呀! 我一路講佢一路係咁say sorry, 起碼講左10次都有! 仲好多謝我打嚟話比佢知有咁樣嘅事情喎!
雖然佢好似好誠懇咁, 不過我都唔會再去囉!
[林林回覆12/05/2011 16:50:44]記住以後唔好去
[版主回覆12/05/2011 16:32:03]居酒屋八海山日本料理(銅鑼灣)呀! 我係fb到有簽到過, 仲話佢係垃圾!
[林林回覆12/05/2011 15:28:19]開名啦
[版主回覆12/05/2011 15:16:15]佢成間餐廳d人都係咁叉冇禮貌架!!! 真係唔使再去囉!!!
[林林回覆12/05/2011 14:32:52]而家都有啲咁嘅服務，真係影衰間餐廳
[版主回覆12/05/2011 14:23:59]嗰時醒唔起呀, 本身我地都唔係打算坐得耐, 因為我地食完仲要去買嘢, 不過, 下次都要好似你咁, 唔食都話"仲想" order! 真係til佢老味!
真係好很勞氣....駛錢條氣仲要駛得咁唔順....
回覆刪除[版主回覆12/05/2011 14:24:41]咪係囉! 如果去食放提就話比人趕係應份, 但係而家唔係喎! 頂佢個肺!