今日真係好開心&好攰, 因為約左恩EE同熙熙出嚟飲茶, 飲完茶就去左公園玩喇!
佢兩條友仔, 番左學真係唔同D, 今次出嚟, 有晒交流, 仲玩埋一嚿!
之前見面, 滕滕就搵個肚腩頂熙熙, 今次出嚟, 滕滕就攬住熙熙, 壓到熙熙有氣冇頂透!
完左個幾個鐘, 如果唔係晒到我同熙媽死咁济, 相信都唔會拉佢兩個走! 唔知係唔係滕滕知道就嚟走呢, 到差唔多想走時, 佢就同我講: "唔番屋企吖!"
唔番?! 唔好喇卦! 你唔攰啫, 我地好攰喎!
好彩, 個兩都好乖冇賴死啫!
一上巴士冇幾耐, 滕滕就瞓著左喇, 你話唔想走吖嗱~ 最多下次玩過啦!
有好朋友喇，幾開心，你睇下呢段友誼幾純，拖晒手仔，攬頭攪頸，我地啲大人邊有呢啲吖
回覆刪除[版主回覆12/05/2011 10:05:26]亞媽冇乜朋友嘛, 所以個仔都唔方多!
關事架咩?
回覆刪除[版主回覆12/05/2011 10:20:13]亞媽少朋友, 就自己帶少佢出街啦, 咁少帶佢出街喇, 咁咪少識朋友囉~
咁...佢自己學校都有朋友架啦
回覆刪除[版主回覆12/05/2011 14:22:17]暫時未有住! 因為佢出左學校, 就算見到d同學仔都好似認唔到咁, 去到媽咪講開原來大家係讀邊間, 先知道原來係同班!
你D相影得好曖昧呀wakaka.....
回覆刪除[版主回覆12/05/2011 14:21:05]好曖昧咩?! 你心邪啫~ wahahahaaaaa.......
嗰個朋友仔個樣好可愛..
回覆刪除2個差唔多高的小伙子....
[版主回覆12/07/2011 22:49:34]熙熙真係好得意架, 又玩得!
佢地差兩個月, 所以真係差唔多高的小伙子!