2011年12月24日 星期六
平安夜~
今日平安夜, 番左屋企做節! 係唔係而家真係無聊得咁緊要冇地方去呢, 要番屋企做節!
好耐以前, 平安夜聖誕節都一定有節目去街, 不過由自從開始想生BB之後, 就冇乜出去, 從而冇乜同外間嘅豬朋狗友接觸, 咁樣, 唔搵唔搵就開始冇乜聯絡! 其實, 豬朋狗友, 搵唔搵都冇咩所謂, 因為跟本就唔係真心朋友, 而真心朋友, 多數就會陪自己老公男朋友女朋友, 所以一去到呢D節日位, 就有小小傷感, 因為睇見人地咁開心係到交換禮物, 自己就戇居居冇嘢做!
有時叫老公去搵下人啦, 起碼平時有聯絡下, 咁有D咩節日, 就可以大班人玩下, 聯誼下都要架啦, 不過老公就話唔想搵! 咁點啫~ 我D朋友佢又話唔啱傾, 佢D朋友又話唔想搵, 咁即係點? 以後玩自閉呀?!
好睬, 今晚番屋企, 細佬冇出去, 起碼多把聲, 滕滕見到舅父都開心D!
訂閱：
張貼留言 (Atom)
其實兩公婆都有好多嘢做架啫，唔洗一定要有一大班人架噃，我24/12去咗飲，25/12去咗深圳做窗簾布，夜晚返娘家食聖誕大餐，26/12去咗書展，27/12夜晚去咗奶奶到打邊爐，節目一啲都唔豐富，但趕到暈，哈哈
回覆刪除我同你下年玩交換禮物，但你要預埋滕滕呀^^
[版主回覆12/28/2011 12:15:04]就係出左去, 先覺得佢冇咁悶!
[林林回覆12/28/2011 12:01:41]咁你地帶佢睇燈飾，滕滕好開心吖
[版主回覆12/28/2011 11:47:17]兩個人冇嘢好做唔緊要, 而且都過左咁多年啦, 但係諗起滕滕好悶咁就覺得佢好似好戇居咁! 雖然佢未識咩係好悶, 但係我始終都覺得過時過節, 好似要搵d節目比佢, 佢會開心囉!