呢兩日假期, 係屋企真係瞓到懵晒! 星期六個工人係到, 朝早瞓到十點, 跟住去睇醫生, 睇完醫生番屋企同老公食LUNCH, 跟住就由2點瞓到六點先起身! 星期日就冇咁爽喇, 朝早九點半就要起身, 但係下午, 就同滕滕由2點瞓到5點! 簡直係大昏迷!
係其餘時間, 我就趕工, 織左3條頸巾!
原本亞姐話一嚿冷只可以織一條, 點不知一嚿可以織到兩條, 當堂覺得抵番晒!
因為滕滕本身嗰條, 係年christmas抽獎抽番嚟架, 但係有個位開始散喇, 所以把心一橫, 就織番條比佢囉!
而一條係送比熙熙, 一條係送比表弟, 而另外一條就仲諗緊送比邊個!
一粒粒幾過引....
回覆刪除[版主回覆12/20/2011 16:29:26]我第一次見到都覺得幾得意!
好靚喎~~~原本舊冷係點架?
回覆刪除[林林回覆12/20/2011 17:06:09]明白~~
[版主回覆12/20/2011 16:28:44]個波波係條繩上面, 好有規律........隔住一個一個咁.........
好窩心嘅禮物, 多謝晒你呀^^
回覆刪除[版主回覆12/27/2011 22:44:03]唔使多謝啦! 要多謝, 就多謝舊年聖誕抽番嚟嗰條咁快爛啦~! WAHAHAHAAAA..........