咁我食屎囉~!

原本星期六契妹同我食飯慶祝生日, 所以諗住唔係屋企食飯, 就冇叫個工人去買餸, 點不知滕滕大病, 所以就冇出去食飯喇!

聽日唔比滕滕番學住, 因為都仲未好番, 咁我叫老公番完通宵番嚟, 唔好瞓住, 睇住個仔一陣, 比個工人去買餸! 點不知老公答我: "吓?! 我聽日中班+夜班喎!"

佢講出嚟嘅意思係, 咁我點瞓呀? 我唔使瞓呀!

而家, 我都幾憎老公開OT, 好似老逢咁就晒佢, 佢乜都唔使做唔使理, 屋企事無大少, 都係應該我要做好晒唔好煩佢! 係~ 我明白佢不停咁開OT都好辛苦, 但係OT唔係大晒, 屋企乜嘢都唔理, 個仔病叫佢去帶個仔睇DR, 佢又話要OT, 諗住佢應該係唔係on duty嘅時候先帶個仔去覆診, 佢又話要OT! 佢O咁多T, D錢又唔係落我袋, 佢又唔知用晒去邊, 我都唔知開咁多OT仲乜7!

所以佢一話"吓?! 我聽日中班+夜班喎!" 咁我就答佢OK啦! 然後就同個工人講: "咁你聽日整嘢比BB食, 同埋你自己嗰份就得喇, 唔使煮我, 我食屎就得喇!"