呢兩日放假查實真係幾忙~ 今朝去學校見老師, 老師comment 話滕滕而家懂事左好多, 好多嘢係學校都好服從, 明白係學校規矩, 知道玩遊戲要排除輪候! 老師都同我講佢同坐隔離嘅同學仔好老友, 兩個好投緣, 就連坐校巴都自己掉位坐埋一斉, 所以呢排放學都冇乜係校巴到瞓覺! 見到佢同同學好似我地大人咁咁老死, 真係覺得佢地好得意~
不過, 唯一老師話佢, 就係集中力仍然係唔夠, 一大班同學坐晒係到聽故事或者有活動, 佢往往都係第一個周身郁! 如果老師同佢地玩遊戲, 重覆同一個遊戲兩三次之後, 佢就開始悶, 就會攪下第二樣喇! 所以係呢方面真係要諗諗點樣train 佢..........
早上見完老師, 下午就約左Chirs去佢到同H&M玩喇, 不過, 今次一入門口, H&M就係咁係到barking, 而滕滕第一次遇到呢個情況, 所以佢驚到唔敢入屋呀! 其實唔好話佢驚, 我查實, 都有小小卻步, 因為佢地真係吠得好大聲同好有勁囉!
不過, 入左屋一陣, 滕滕又開始攪佢地喇!
起衫都係同mango玩, 因為hazel驚到死, 係咁係到"wu", 不過滕滕同mango玩, 又捉佢隻腳, 又捉佢條尾, 攪到mango發皮四
!玩到mango發皮四之後, 佢就唔敢去野佢, 咁就轉移目標攪hazel喇!
Chris 真係醒, 比嘢滕滕比佢地兩個食, 咁之後hazel就開始唔太驚滕滕喇, 比佢摸之餘, 仲.........
, 真係玩到滕滕唔捨得走呀! 我地話去食雪糕佢都話唔去呀!原本打算去完Chirs嗰到, 就去沙灘玩架, 不過番到去都五點半喇, 所以滕滕話不如落公園喎!
真係散散地囉, 下半day都未停過, 玩到6點半先番屋企!
個兩隻狗都好乖喎，比滕滕搓圓按扁都無傷害人
回覆刪除[版主回覆06/04/2012 16:23:16]淨係見滕滕係咁攪mango, mango去到頂佢唔順先嚟吠佢就知啦!
[Chris回覆06/04/2012 15:56:59]嘻嘻. 的確好乖架. (又賣花讚花香添)
滔滔有差唔多既問題, 老師話佢聽聽下書就好自然走出來。但佢係留心聽緊既, 但佢屎忽坐唔耐!!!
回覆刪除仲有要佢做野, e.g. 填顏色, 兩下就無心機 law!!!!!
[版主回覆06/07/2012 15:48:56]老師都有同我講過下有D畫線嘅, 不過學你話齋, 我地就真係要花D時間去搵下呢D書喇~
[村姑 C 9 仔 *.*回覆06/05/2012 17:14:53]依家多左叫坐係到一齊畫線 law。
另外, 我見過有 d 書, 有其個圖案, 當中有1個有少少唔同樣既。叫佢搵出黎, 訓練專注力既。我覺得幾好。要花時間再搵下有沒有同類型既書至得。
[版主回覆06/05/2012 16:51:19]可能都要穿多d同埋, 要做多d坐係到嘅活動喇............我個仔都要.........
[村姑 C 9 仔 *.*回覆06/05/2012 10:08:58]我個仔穿珠仔, 依家成條穿晒都無問題。上堂有改善, 但間唔中就仍然坐唔定 law *o*
[版主回覆06/05/2012 08:09:32]一樣! 一樣! 老師都話佢都係有聽, 不過總係學你話齋, 個籮右更係唔可以安安定定咁樣坐係到, 同埋, 又係你所講嘅, 填顏色, 總係大筆大筆咁油晒就算!
老師叫我同佢穿下珠仔呀! 睇嚟, 唔穿膠花, 都真係要穿下珠仔囉! ........又要迫我去淘寶買嘢喇!
仔係咪都係咁既呢???
回覆刪除老師仲話滔滔要老師錫晒佢一個 tim 呀!
[村姑 C 9 仔 *.*回覆06/05/2012 17:16:32]我唔生lu。
[版主回覆06/05/2012 11:10:40]仲大獲! 咁如果你生多個點算?!
[村姑 C 9 仔 *.*回覆06/05/2012 09:58:53]唔係錫一啖, 係要錫晒佢。老師對其他小朋友好, 佢會 jealous law。
[版主回覆06/05/2012 08:06:24]