好快~

滕滕而家基本上平時係完全唔使用片喇, 有時下午瞓覺都見到佢冇痾係條片到, 所以星期一就同個工人講, 瞓下午覺, 而家開始唔好同佢著片喇, 瞓前同佢去一次toilet, 上左床又同佢講一次唔好痾v, 因為冇片片; 咁呢個星期嘅"tea" nap, 隻豬仔真係一次都冇瀨過尿!

而同時係夜晚臨瞓, 我都同佢講, 就算著左片片, 都唔好係片片都痾v, 因為佢開始大個, 要學爸b同媽me咁, 瞓覺都唔著片片, 遲d, 就連瞓都唔著架喇!

小朋友, 其實好多嘢佢地真係明白, 因為今個星期, 除左係有一晚飲左好多湯, 第二朝係痾左尿之外, 其餘日日第二朝瞓醒, 條片都冇濕到架! 真係要比個good  佢囉!

不過, 因為可能滕滕自己都唔想係片痾尿, 所以有一晚臨瞓(已經上左床)佢就叫左我3次同佢去toilet!  但係因為我去到就嚟瞓著佢叫先我去(last 次), 所以我就叫佢係片片痾喇! 但係, 佢居然同我講: 唔好啦~ 我唔想係片片痾呀, 我大個仔喇, 我要係廁所去呀!

好好好! 咁就係廁所去啦! 煩豬!