基本每個星期一奶奶都會入嚟, 而每一日我放工一入門口都會問滕滕今日有冇曵! 呢兩個星期一奶奶一聽到我問滕滕有冇曵, 佢就會搶答: 佢今日好乖喎!
而呢兩個星期我都好唔客氣咁回答番奶奶: 我唔會信你講嘢架, 佢好乖, 冇可能囉!
奶奶聽到我咁講, 亦都好堅持咁答我: 係真架! 佢真係好乖呀!
"係真架!", sorry~ 我更加唔會信囉!
我同奶奶講, 我見到佢擒左上個電視柜到, 跟住由電視柜跳過去個sofa到, 我問 "咁都叫做乖? 唔係嘛嫲嫲, 你唔好嚇我啦!"
奶奶又再一次好認真咁答我, 佢咁樣真係唔算曵喎, 呢d只係頑皮!
咁請問"頑皮"同"曵"嘅分別係咩呢????????????????????????????????
d 老人家係雙重標準 ga la。比著我地細時, 打到飛起。依家對住 d 孫, 屎都話係香既。 如果我話滔滔曵, 我老豆會駁我 "呢 d 叫做醒目! 唔通唔旭, 薯仔咁好呀!" 吹脹!!
回覆刪除[版主回覆06/27/2012 11:44:28]係呀係呀! 真係屎都話係香架, 只係差在放埋入口食架咋!
我會同個老人家講 : 我唔係問你
回覆刪除[版主回覆07/09/2012 14:08:28]我同左佢講: 我唔使爭住幫佢答, 因為你答乜我都唔會信你!