2012年3月3日 星期六

我錫晒你呀! 努力d!


今日好肉赤, 不過肉赤得嚟真係好開心! 因為今日同梓祐買左個智能電話!

當初因為梓祐成績唔多好, 所以我同佢講, 如果佢可以考到人數名次一半嘅之前, 我就送個電話比佢!

上學期已經有左結果喇, 一百六十幾人, 佢考第六十幾, 而全班就考第十一! 聽到, 真係幾鬼開心, 因為終於學鬼梓祐佢有努力讀書喇!

買左個電話之後, 我feel到梓祐佢好鬼開心, 我仲配埋個藍牙比佢用潻, 幾鬼錦上添花呀!

我已經再三叮囑梓祐, 唔可以因為買左個新電話之後, 而佢只係卦住玩而另到成績退步, 因為我唔要有機會比嗰個乞E做話題, 同埋, 我仲話, 只有進步, 唔可以退步!

梓祐答我: "你放心啦亞姨, 嚟緊呢個學期, 我會再努力D架喇, 因為我要選科!"

聽到之後, 真係, 眼淚在心裏流............
張貼者： 於

3 則留言:

  1. 村姑 C 9 仔 *.*2012年3月5日 晚上9:01

    真係乖仔。要生性 d, 唔好比 d pk 睇衰呀!! 加油!!
    [版主回覆03/06/2012 15:38:01]我成日都提佢, 千祁唔好比人睇死佢, 第日大個搵到錢, 換晒一毫子攞嚟掟個乞衣 佢好似好生性咁, 希望佢真係識諗啦!

    回覆刪除
  2. 林林2012年3月6日 晚上7:40

    嘩~~~呢個姨姨好好人呀~~~
    [版主回覆03/07/2012 14:43:28]佢老豆唔多理呢d嘢, 咁佢個仆街亞E就比D用餘用剩, 嚿電都壞壞地嘅電話嚟比佢用(已經係第二次)! 你係我, 見到會唔會心up先! 但係我又唔想無啦啦送個電話比佢(對佢嚟講, 呢份禮物係好大架喇), 因為怕佢以為一出聲就可以有, 咁我先至話要佢成績有進步先會送囉~

    回覆刪除
  3. Chris2012年3月7日 凌晨12:37

    佢有哩個咁錫佢既長輩，都好值得慶祝！！
    [版主回覆03/08/2012 12:19:32]我都係只係小小嘅關心啫~ 都彌補唔到佢心寧嘅空虛!

    回覆刪除

訂閱： 張貼留言 (Atom)