今日, 心情唔好, 請左半DAY病假! 其實原先係請大假, 因為滕滕學校有活動, 不過尋日比人訓話完, 當堂今日冇心機, 唔想番工!
其實真係連下午都唔想番, 不過如果唔番, 就擺明擺得太明顯喇, 如果咁, 老闆真係可能會嬲我!
唔知點解, 我有D怕老闆會嬲我, 因為佢1年365日都日日笑晒口, 如果佢嬲得我, 就證明佢真係好嬲!
我反覆自問我自己有冇做錯, 可惜, 我真係一D都唔覺得自己有問題, 同埋亦都唔覺有D咩錯! 可能錯就係錯左老闆佢本身大男人主意, 一定要人聽晒佢講!
我條氣今日都仲係唔多順, 不過, 我唔會因為尋日嘅問題而唔做嘢, 就算因為尋日嘅問題, 我仍然都會係屋企check住d mail(幾鬼賤骨頭, 唔做唔安落嗰隻), 而只係唔會即時覆, 除左個大客之外!
直到頭先放工, 我先攞張病假紙比老闆簽, 佢見到我, 亦都好似當冇事發生咁(不過感覺有d尷尬), 雖然如此, 但係種氣氛唔多好!
放心，你老闆EQ咁高，點會嬲你呢
回覆刪除[版主回覆04/09/2012 23:47:16]唔得架! 我老闆受軟唔受硬架! 再者, 佢好大男人, 跟本就唔會理D女人講嘢!
[林林回覆03/30/2012 14:32:56]咁你同你老闆講，兩個只能活一個
[版主回覆03/30/2012 13:28:20]佢成Q日都話, 因為隻豬兜係我叫佢嚟, 而家又要佢走, 好冇道義喎! 講嚟講去, 講極佢都話我唔應該要佢走!
[林林回覆03/29/2012 14:25:03]竟然老闆唔肯幫你，你唯有自己幫自己喇
[版主回覆03/29/2012 13:09:50]我心情唔好, 唔係怕佢真係嬲我, 而係我條氣仲未順, 跟本就冇心機做嘢! 我老闆連一個豬兜都唔想抄, 所以我更加唔會怕佢會抄我!
佢'原諒"緊妳妳.
回覆刪除哈哈.
你連放5日假. 佢都會"原諒"你架. no worry.
[版主回覆03/30/2012 13:29:35]車, 如果我有需要, 佢唔可以話唔得囉!