隻豬兜, 真係冇一日冇做錯嘢, 日日都總有最少一次! 其實唔做錯嘢, 乜真係好難架??? 可能對一個正常人嚟講就唔係好難, 但係對一個豬兜嚟講, 可能真係唔係咁容易!
尋日開張單, 我專登搵番舊單D item差唔多嘅, 等馮小姐唔使再專登搵番d shipping marks整張生產單! 佢個人真係聰明, 張個客所有special 嘅 shipping marks改過晒佢做我廠standard 嘅 shipping marks! 一見到, 當堂要真係拍手掌咁, 邊有人豬乸得咁緊要架!!! 睇到咁, 我就第一時間出大廳, 好大聲咁同佢講, 我搵番張差唔多嘅單去save as呢個新單比你去做生產單, 就係費事你去搵個客d special shippings, 唔想你又做錯嘢, 而家你張d shipping marks改番晒做standard嘅, 咁我使乜搵番張差唔多嘅舊單改嚟比你睇! 你搵一日唔做錯嘢得唔得架?! 講完, 舒服晒~
尋日我只係卦住佢錯左嘅shipping marks, 有d嘢check漏左, 今日廠就打嚟問個出貨日, 原來隻豬兜打左5月15, 但係其實出貨要係4月15! 幾大獲吖! 所以今日我又好大聲話佢, 張生產單今次大錯, 仲錯嚟好離譜, 因為佢打遲左一個月出貨! 嗱~ 我今次堅大聲架, 老闆一定聽到架!
我知老闆一定聽到, 但係佢冇問番我咩事, 因為我咁大聲, 已經代表左係話比佢知, 隻豬兜又錯喇!
而家, 我唔比面喇, 之前佢做錯咩就係msn到話佢叫佢改, 而家, 我唔會咁做, 我要佢係人地面前樣衰!
你不如真係了解下佢先啦，炒又唔炒得，又日日做錯嘢，你攰唔攰呀?
回覆刪除[版主回覆04/07/2012 00:11:26]但係如果唔係咁, 我就真係唔知佢點樣可以唔好成日做錯嘢囉!
[林林回覆04/03/2012 17:21:55]唔好，咁樣慢慢會變黑人憎，唔襯你高貴性格
[版主回覆04/03/2012 17:01:32]我又真係冇咁得閑企係佢後面昅住佢囉, 所以等佢做錯, 又大聲話佢咪仲好!
[林林回覆04/03/2012 14:33:31]我知我知，咁你從今開始，你一叫佢做嘢，你就企係佢後面睇住佢，佢一錯就指正佢啦。我諗佢點蠢都好，你呢個舉動好明顯喇呱
[版主回覆04/03/2012 12:43:40]我真係好慘架
[林林回覆04/03/2012 12:11:39]哈哈，唔好咁慘啦，我整茶葉蛋比你食喇
[版主回覆04/02/2012 16:48:48]終於都有人可憐我喇!!!
[林林回覆04/02/2012 14:46:11]記憶力衰退到咁，真心可憐佢，但我更加同情你要照顧一個可憐人
[版主回覆04/02/2012 11:39:56]我只係知, 佢生左之後就乜撚都做錯, 其實如果係咁, 佢不如番屋企湊仔啦!!!