星期六同梓祐&嫲嫲走飲茶嗰朝, 滕滕已經打左幾個乞嚏, 飲緊茶嗰時都見佢個樣比較攰, 我都知又開始唔舒服架喇!
星期日打算同佢去睇dr, 點不知dr逢每個月嘅第一個星期日係休息, 結果去搵左另外一個dr睇! 其實一直都想試下搵多個dr比滕滕睇, 因為唔想見死一個dr! 不過試埋呢個, 已經係第三個dr, 結果都係唔得, 直到星期二朝早, 都要去睇番本身個dr!
個保險sales 已經覆左我, 佢地個網絡醫生, 係冇我地而家睇緊呢個份! 咁即係買嚟都冇用啦!
原本想搵下有邊間保險公司係有滕滕睇開嗰個醫生, 不過同朋友傾開計, 佢叫我試下同滕滕睇中醫, 因為次次睇完過一陣又再唔舒服, 好似唔斷尾咁, 所以可能睇中醫順便調理埋會好d!
呢個提議真係唔錯, 因為滕滕唔怕飲苦嘢, 而且唔使下下食西藥食到個人散晒, 仲一瞓著就bill晒冷汗! 所以食埋呢次藥, 小病或者仲差小小好番嘅, 就去睇下試下中醫喇!
尋日同芒爸講. 你嗰頭有個緬甸醫生幾好... 有乜事下次睇佢 試下呀
回覆刪除[版主回覆03/10/2012 23:29:37]你可以下次去試下啦, 不過有心理準備, 嗰到環境, 係屋村醫生feel 囉, 唔會好"是正"架!
你個仔好犀利，唔怕苦~~~
回覆刪除[版主回覆03/13/2012 17:24:24]係! 我都打算係!
[林林回覆03/13/2012 17:04:02]睇咗先算
[版主回覆03/13/2012 16:22:10]可能係呀, 咁就大獲喇, 仲諗住同佢睇中醫潻!
[林林回覆03/13/2012 15:51:46]咁即係佢怕中藥味
[版主回覆03/13/2012 11:49:21]雖然係唔怕, 不過佢都會選擇嘅! 例如啤酒, 佢會飲完一啖想再飲, 不過上次煲d川芎百子魚頭湯, 佢就唔再飲囉~