尋日冇番工, 所以可以等老公放工番嚟同佢一斉去買餸, 去緊途中, 我同老公講我地真係要搵番d二人世界嘅時間, 因為自從滕滕出左世之後, 只係得兩個人相處嘅時間好似冇晒, 就係因為少左兩個人嘅時間去溝通, 所以感情好似淡左!
講完呢樣嘢之後, 我就又再講佢打機嘅事, 我同佢講: "講真, 我真係唔知點解一見到你埋位打機, 我d火就爆爆聲咁起, 而且仲好想"中"你!
講完之後, 老公冇問我點解, 佢只係係到笑!
因為時間緊迫, 過一陣佢又要番工, 所以番到去之後就即刻食飯! 食完飯, 佢冇去打機, 再過一陣, 佢都冇坐埋去! 因為佢要我同佢打篇嘢去電信局到投訴, 所以我幫佢打完之後, 我就行去同滕滕玩! 當時只有半個鐘佢就要番工, 咁我亦都諗佢一定點到死埋去打兩舖先行人, 但係出奇地佢居然過嚟同滕滕玩波波喎!
佢唔打機? 我真係唔係好信? 但願佢真係可以打少d!
你就好喇, 講2句你隻C佬就肯聽...
回覆刪除[版主回覆03/18/2010 00:26:00]佢暫時係, 唔知明天, 後天, 後後天係唔係..........
哈哈！原來啲男人真係好 like 打機…
回覆刪除[版主回覆03/18/2010 00:27:00]係, 我都唔明有咩好打, 日又打, 夜又打, 一冇嘢做就埋位, 頂佢唔順!
咁你每日講一次，佢咪唔會去打機囉
回覆刪除[版主回覆03/18/2010 11:49:00]我從來都唔會免強任何人去做一d佢唔係發自內心嘅嘢!
所以如果佢係唔打, 我唔叫佢, 佢都會唔去, 如果係要我叫, 我就覺得冇意思囉!