我都唔明, 點解D 舊同事 gathering 係我做leader, D舊同學gathering, 又係我做leader!
我唔想做攪手呀, 又要約幾時食, 呢個一陣又話嗰日唔得, 嗰個一陣又話嗰時唔得, 又要夾時間, 又要搵地點, 一陣呢個又話嗰到好遠, 嗰個又話唔就腳! 其中有班同學唯一有一個係香港住, 又話佢過海好遠喎, 連朗豪坊佢都話唔就腳喎! 好啦, 另外班舊同事就好d, 因為得我一個住新界, 其他全部都係香港、九龍住, 所以如果約係銅鑼灣、灣仔就ok啦, 但係老尖就唔好喇, 因為有人唔識尖沙咀喎!
最慘就係d人係e-mail同fb到唔覆! 一定要打電話比佢地!
喂, 可唔可以以後唔係我做呀, 我真係真係好唔想做攪手呀!
你約果d係唔係香港人呀???點解咩地方都話唔識???
回覆刪除[版主回覆03/03/2010 15:01:00]妖~ 佢地跟本就唔知道攪到我好Q煩, 成日要人就晒佢!
咁始終都有人攪架喎，或者邊個撩起，就邊個約囉
回覆刪除[版主回覆03/03/2010 15:07:00]我已經當面提出左起訴架喇, 不過佢地兩班人都話, 我呢一世都要做呢樣嘢, 冇得上訴!
係咪你做得太好喇?
回覆刪除[版主回覆03/04/2010 09:26:00]我好就更架啦 !