因為明晚約左個朋友去買相機, 所以今晚見咁早, 所以就預備定星期四晚dinner 嘅嘢, 因為有契妹入嚟同滕滕慶祝birthday!
我已經攞左個大個嘅環保袋去, 所以就好貪心咁買左8罐可樂, 4pack 紙包飲品, 同埋加加埋埋有成78罐罐頭! 因為實在太重, 未放晒d嘢入去個環保袋到, 個袋已經發出左d爆線聲, 所以唔想攞車仔都唔得!
而家百佳d車仔我諗已經全部都好似jusco咁係加個籃上去, 其實佢換左呢d車仔, 係好推過舊款嗰d, 因為比較輕巧.....如果係supermarket裏面用! 不過, 可惜我今次要借番屋企, 因為我實左買左太多嘢喇!
首先架車仔對前輪係比後面對輪係比較埋, 而街嘅地下係一舊舊大磚, 所以係我推緊架車之際, 突然click 到其中一舊高左嘅磚, 跟住架車仔就向前反, 而我就差d跟埋一斉仆, 雖然係差d, 但係上5寸下5寸嗰個位就已經踢到架車仔到!
你無事吖嘛，你下次買咁多嘢，自己拉架車嘛，唔好借超級市場啲車啦
回覆刪除[版主回覆03/10/2010 14:53:00]我人好懶, 唔想行咁多次, 所以下次我會攞個個穩陣嘅環保袋去!
我而家隻腳d瘀仲未出到嚟, 我諗就快架喇!
你放工直接去呀?
回覆刪除[版主回覆03/11/2010 00:49:00]唔係呀, 番左屋企, 食完飯先架!
78罐罐頭, 你諗住開士多呀?
回覆刪除[版主回覆03/11/2010 12:24:00]oh, sorry, 係7/8罐呀~
開士多, 都好呀, 第日老左, 開間嚟養下老都唔錯!
你自己買架手推車嘛，我屋企都有部手推車呀，我叫佢做烈火戰車啦
回覆刪除[版主回覆03/11/2010 15:16:00]我唔想買車仔呀, 因為間屋已經越嚟越多嘢喇, 所以我最多下次唔買咁多嘢啦!
好細部之嘛，又可以摺得埋，好過攞得咁辛苦啦
回覆刪除[版主回覆03/11/2010 16:08:00]間屋真係已經冇位喇, 或者等我裝修個間電腦房做亞囝房再諗下d柜點整, 或者先買啦, 而家架bb車都要諗下放係邊樹好呀, 因為亞囝成日四圍爬, 而家嗰到好危險, 因為如果佢去攪嗰到, 咁架車會反落嚟整到佢架!
所有嘢放入書房咪得囉
回覆刪除[版主回覆03/11/2010 17:53:00]就算而家可以放入書房, 但係都要好快就要攞走, 因為滕滕大喇, 間房要變身呀~