垃圾!

今晚同個朋友係上環寶湖金宴(酒樓), 以為諗住會OK啦, 嘩, 點不知入左間黑店喎!!!

 

一入到去, 我地打算食海鮮為主, 所以一坐低我地第一時間就想叫蟹、蠔, 不過佢地就第一時間就話冇!

咁好啦, 佢地嗰到有D推介好似真係好平, 有片皮鴨($38), 有魚翅($18), 另外仲有一樣特價我就唔記得, 因為冇叫, 只係叫左呢兩樣! 另外我地仲叫左豆鼓蟶子王, 椒鹽九肚魚, 兩客乜鬼南非鮑魚, 同埋椒鹽中蝦! 

 

埋單要$498, 但係我估唔到我今餐食垃圾囉!

 

因為我第一次食片皮鴨, 我唔知係唔係一定要係油先好食, 因為一放入口, 成口都係油, 而且一路食, 就好似一路係到飲油, 仲有, D鴨送到嚟枱都已經凍晒, 食完第一件, 我已經唔想再食第二件!

 

魚翅, 好彩18蚊咋, 但係如果比我再撰, 我會撰街邊嗰D食囉, 起碼D餸一定多過佢, 所以講真18蚊我都嚴佢貴!

 

什麼蟶子王, 連飲酒嗰d咩珊瑚蚌、桂花蚌都不如, 又細隻, 又唔彈牙, 仲要叫蟶子王!殼

 

嗰兩客乜鬼南非鮑魚, 預左佢細隻就更架喇, 但係估唔到細隻得咁緊要囉, 而且又冇嚟味道!

 

嗰碟椒鹽中蝦就仲離譜, 因為佢講明係游水, 但係食食下我地發現d蝦應該係雪藏囉! 點解, 因為我地發現d蝦殼唔離, 而且蝦頭嗰個位, 仲係未熟, 應該係係雪柜攞出嚟煮, 但係又煮唔得透囉!

 

成晚, 最正常應該係碟椒鹽九肚魚! 唔係特別好味喎, 而係其他樣樣都唔得, 所以先顯得呢樣係ok咋!

 

仲有, 嗰到個個d 伙計個個都冇禮貌, 而且仲要好似話你好叫佢做嘢咁!!!

 

所以嗰到d嘢食同埋d伙計, 跟本全部都係垃圾!!!!