唔好講輸唔輸在起跑線先, 就係講而家standard 嘅水平, 好明顯地係同我地以前完全唔同! 以前k2我地學"上大人", 而家k2學"品德, 作業, 動物"! 英文都係ABC啫, 而家就係生字詞語! 試問一個家庭, 父母要番工, 去邊到搵到咁多時間去教個小朋友讀書認字呀, 就算日日係屋企唔洗番工, 都唔係咁搵個小朋友去受罪成日讀讀讀吓嘛, k2咋!
呢排暑假開始喇, 我同滕滕報左5個班, 係要嚟填佢唔洗番學嘅時間! 4個好似好多呢, 但係好多都好好玩架, 一個係煮嘅食, 一個係做手功, 一個係講故事, 一個係英文drama, 而最後一個就係去比佢試堂上面試嘅! 呢個我係一定要佢上, 因為我已經耐唔耐比定心理準備佢第時去學校到interview 係點, 老師會問佢平時係屋企做d咩, 爸爸媽媽又會同佢做d咩, 而作用我都只係想佢知下到時係點嘅啫!
今日滕滕第一日上整嘢食, 整左嚿咁嘅嘢番嚟, 講明係我同佢老豆一人一半, 我唔好食多! 雖然呢嚿chocolate cake 唔太靚, 但食落去d味道又幾好味唔太甜喎!
差一年嘅時間分別真大, 舊年同滕滕去整macaron, 佢完全好似冇興趣咁, 但今日佢整完番嚟, 就問我點解平時冇得去玩整嘢食喎!
而另外嗰d course, 都係好輕鬆嘅, 希望佢從玩樂之中可以學習, 因為我自己都係一個好動嘅人, 唔太鐘意係沉悶嘅環境裏面學習新事物, 更加唔鐘意比人強迫去學習, 所以咁耐以嚟滕滕所有嘅courses, 我都唔會去問佢: 你今日學左d咩番嚟?!
我嘅心態就係去多接觸, 我覺得多接觸就自然會學到嘢, 唔需要下下都迫! 但我呢樣諗法, 有人會覺得好奇怪囉, 點解就連個仔去學咩我都唔知又唔問! 其實睇下做亞媽個心態囉, 如果你覺得下下去學嘢都一定要係學到嘢番嚟, 對個小朋友or對個大人嚟講會唔會壓力好大呢? 點解去學嘢就一定會係學到嘢番嚟呢? 咁大個成年人去上堂, 都未必一定攞到嘢走啦, 更何況係一個小朋友. 咁細個小朋友就去迫佢, 我怕佢好快就同亞媽講我想跳樓囉!
Agree. 滔滔上咁多班, 我同我老公每日回家第一句就問佢今日開唔開心。第2就問佢返學好唔好玩。佢校外學既英文, 併音 D 書我從來無同佢溫習。日常感覺到佢有進步就算了~
回覆刪除雖然我同你都係咁諗法, 但係有好多人覺得好奇, 點解唔洗理個仔學咩OR學左D咩, 佢地覺得比左錢人地, 咁自己個小朋友就應該要學到嘢番嚟! 掉轉頭諗, 我覺得你有冇諗過人地比左嘢你, 咁你個仔女有冇攞番嚟先?! 人地比左, 但自己仔女冇攞, 咁唔通你又去話人地喇喎! 咁又或者, 人地比左嘢, 你仔女唔去攞, 咁你又走去迫自己個小朋友一定要去攞? 係我嘅, 就唔想做一個咁樣嘅媽媽囉!
刪除