第二隻

相隔兩個星期, 第二隻係今晚都比我攪掂埋左!

上次甩第一隻時, 呢隻都只係小搖, 真係估唔到咁快就已經甩埋出嚟!

其實咁快, 我覺得係隻豬仔應該成日搵條利去撩佢攪佢, 如果唔係點會快得咁交關先!

早兩日滕滕都已經同我講好鬆, 問佢洗唔洗我同佢tick隻牙出嚟佢又話唔洗, 今晚又同我講隻牙好鬆佢覺得好辛苦! 結果今次一下一拉我就攪掂左! 今次喊都冇喊, 佢話因為完全唔痛喎!

更係啦, 上次比個工人嚇一嚇, 個工人又話佢好驚, 驚啫, 都唔洗講出口吓嘛, 你估我唔驚架, 我都驚驚地架, 但係如果就連我都驚埋出嚟, 咁個仔應該仲驚囉!  所以, 亞媽比個仔嘅勇氣真係不可以缺少!