而家生仔, 係唔係個個都咁冇用......?!

其實呢個幾星期心情都唔係咁好, 由從姨甥仔單嘢開始, 而今日又同我大細佬嘈!

好日都唔見下, 見就嚟母親節我就話食飯喇! 如果唔係過時過節想見下佢, 平時我都唔打攪佢, 因為佢身邊有個衰老婆, 就連帶個女嚟比我老豆老母見下都唔得!

我呢個細佬又係唔爭氣, 怕個老婆怕到死, 個老婆唔洗大聲佢都已經怕左佢! 所以過時過節食飯, 我從來都唔望佢會帶個女出嚟, 自己細佬一個就已經夠!

亞媽係個group 到問大細佬幾多個出嚟, 因為要book枱喎! 一早我就已經同亞媽講啦, 多一個小一個到時加減咪得囉, 仲問要問呢, 所以我又再一次講: 唔問唔會唔開心, 問左唔答就會唔開心, 就算答左都可以唔係, 咁問嚟仲乜! 就係我呢句, 細佬就火嚟, 話我講嘢有骨!

有骨咩??? 唔需要咁樣囉, 有咩就直接, 唔需要有骨, 話你就話你, 我唔洗轉彎抺角, 直接吊九你唔洗怕你, 因為你係我細佬!

而家生仔係唔係真係咁可怕, 姨甥仔係咁, 細佬係咁, 老公又係咁, 個撚個仔都係冇撚用!