我覺得, 好多老人家都希望可以同仔女一斉住, 尤其係上一輩嗰d, 因為佢地都覺得仔女養父母係應份架!
尋晚老公同我講, 佢早幾日問佢亞媽想唔想同我地一斉住, 佢話佢亞媽答唔想!
一聽到奶奶話唔想同我地住, 就真係一個迷! 因為我覺得邊有老人家唔想同自己d仔女住架! 而且仲有個孫可以日日見喎!
不過我知道奶奶好有自知知明, 因為佢當初知道我地結婚嗰時, 就同老爺搬出荃灣, 佢話老爺麻煩, 所以唔想第日大家唔開心, 所以就搬走! 而家今時今日, 老爺都唔係到, 佢都唔想同我地一斉住, 我估佢都係唔想相見好同住難!
其實我都有小小開心架, 因為始終都係奶奶, 如果一斉住就一定有d唔習慣同唔方便, 不過我又諗下, 會唔會奶奶怕我成日同佢投訴佢個仔, 而佢又唔想話個仔而另到我唔開心, 幫呢個又唔係, 幫嗰個又唔係, 所以索性都冇眼睇我地兩個呢???
妳奶奶有先見之明!! 叻叻
回覆刪除[版主回覆08/23/2011 11:15:00]我奶奶就真係好一個迷, 出乎我意料之外! 佢真係非一般嘅老人家!
你奶奶好 understandin 呀 ~ 你要錫佢多 d tim 呀~
回覆刪除[版主回覆08/23/2011 11:14:00]我知佢唔想第日有d咩大家都唔開心, 所以我到而家都好客氣對佢架!
你奶奶真係好, 通情達理~
回覆刪除比著我果個一定要一齊住!!!!!!!
[版主回覆08/26/2011 14:52:00]我都打左個突! 不過都好, 起碼唔使一斉住之後, 又多樣嘢煩!
唔怪得你去旅行都帶埋佢去喇...超級好99嚟~
回覆刪除[版主回覆08/29/2011 11:41:00]唉~ 聽到你咁講, 真係有D慨嘆囉, 而家D奶奶要做得好, 好似就先可以有得同仔女一斉去旅行, 咁死啦, 我地嗰個年代唔知會變成點呢~
嘩!!!我有一個咁有自知之明嘅奶奶就好喇~~~
回覆刪除[版主回覆08/29/2011 11:43:00]係就係, 不過有時都有溝通唔到嘅時候架!