發問一個問題, 請問係唔係要用個腦去諗一下呢?
之前馮小姐問我, 可唔可以搵嘢挷住個仔, 唔比個仔反轉嚟瞓, 呢條問題, 我已經都覺得佢痴交線, 咁都問得出!
尋日, 佢又問我, 有冇魚係冇骨! 我都想問, 乜有魚係冇骨架?! 跟住又再問我, D魚係整熟左先放落粥到, 定係一斉放埋落D粥到一斉煲? 佢話佢之前買左個攪碎機, 可唔可以魚連骨放埋落去攪爛晒佢, 但係佢又覺得攪碎埋D骨比個仔食好似唔知點咁喎!
我冇串佢! 因為我地而家基本上都冇講嘢, 應該係我唔會主動同佢講嘢, 所以佢咁問, 我只係答佢: 我唔知有咩魚係冇骨架喎! 你咪上網問下人囉!
我真係唔明, 點解佢成日問埋D跟本唔應該問嘅問題架? 我真係好想同佢講, 唔該你用下個腦諗一諗先好發問啦! 仲要懶得咁淒涼, 攪碎埋D骨一斉落去煲粥! 佢老公做廚, 佢都唔問佢老公走嚟問我? 佢大把"好朋友", 佢又唔問佢D"好朋友"就走嚟問我?
OH, SORRY, 我唔想答你囉!
你下次同佢講，叫佢呢啲方法做一次，之後自己食，睇下佢有無啃死先囉，低B~~~咁都問得出，一係佢無嘢同你講，是但問啲百痴嘢撩你謂嘢
回覆刪除[版主回覆08/10/2011 11:29:00]如果佢部攪拌機係勁嘢, 可能連d骨都變灰都唔定架, 食左落肚都應該冇事架 ! 佢本身個人懶就更架啦, 連叫個工人做都唔叫, 我都唔明佢究竟個腦係要嚟仲乜!
你究竟以前係點同佢做朋友架?真係難以想像~~~
回覆刪除[版主回覆08/10/2011 11:50:00]以前我地唔係好fd架, 只係識左12年嘅同事嚟, 平時都唔會講心底嘢, 我地開始fd, 係由我知道佢老公、我老公原來細個嗰時係樓上樓下, 係識得嘅, 係嗰時先開始有計傾之嘛!
佢以前係舊公司做左差唔多廿年架喇, 所以好多嘢都上晒手, 咁佢咪厄到晒所有嘅人, 人人都以為佢好醒囉!
急凍魚柳咪無骨囉. 但會唔會用黎整比小朋友先??
回覆刪除[版主回覆08/10/2011 15:49:00]同佢講急凍咪又係嘥氣, 一陣佢又話唔新鮮, 對個仔唔好喇!
佢呢d人, 就係又要面又冇錢!