新朋友仔上嚟我屋企食飯, 因為佢講明係想見滕滕, 你話滕滕魔力幾大!
條友仔買左箱LOGO比滕滕, 佢話嚟我屋企就更係要買手信, 但係又冇理由買比我, 所以就買玩具比滕滕喎! (嚟我屋企食飯, 話冇奶油買嘢比我??? 唔HEA亞化!!!)
不過都算啦, 都叫左滕滕多謝呢位靚女EE啦!
可能靚女EE個樣好nice, 所以佢一入屋, 滕滕都冇抗拒佢, 而且仲成晚對住佢笑, 有時仲好怕醜咁呢埋係我後面! (更係啦, 呢個EE都傻傻地, 成晚就目不轉睛咁望住豬仔, 佢就更係怕醜啦!)
靚女EE臨走時, 一叫佢錫錫就即係啜佢一啖潻!
咁就死啦, 如果帶埋滕滕去睇佢隻狗, 我諗滕滕實記住佢, 我估仲緊要過"UNCLE FU"潻! (因為見完我個FD, 講到今時今日, 無啦啦都仲會突然同我講"UNCLE FU"吖!)
小朋友玩 logo 好呀! 你個 friend 都幾識選。
回覆刪除[版主回覆08/26/2011 13:57:00]我呢排買少左玩具比佢, 因為上次佢唔舒服掟爛左好多玩具, 所以我想佢抖一抖先, 等佢知道掟爛左就冇架喇! 點不知, 又有人買嘢比佢玩!
帶埋佢見mango . 帶埋佢見unlce andy!!! yeah!!!!!!!!!!!!!!!!!!!!!!!!!!!!!
回覆刪除[版主回覆08/26/2011 14:13:00]如果你想比滕滕同mango玩, 就最好上去你到喇! 因為係街會唔係咁方便..........(我怕dirty)!
死啦. 我真係咁狼c 咩?!! 我真係不停咁望住 佢呀?!!! um....
回覆刪除下次要收斂少少先得啦.
[版主回覆08/26/2011 14:15:00]你好似想食左佢落肚咁!