今日係第一日番學! 0745就已經叫隻豬仔起身, 不過唔係因為佢自己自動起身, 係要叫, 所以都叫左幾聲先睬我!
不過好睬都係叫左幾聲啫, 所以30分鐘內, 豬仔就已經攪掂好著晒衫預備出門口喇! 嗱, 呢樣咪似我囉 
老公今次真係勁, 因為佢無啦啦突然同我講, 話要封利是比滕滕喎, 因為係第一日番學呀!
其實我一路都唔係太擔心佢番學會大喊大叫, 因為滕滕唔算係太滕雞嘅人, 所以一入到學校, 老師要一個家長(老公去左)同滕滕入班房, 然後我就去大堂上家長會! 滕滕係班房到, 就好似去到一個新地方, 嗰到有玩具, 有小朋友一斉玩咁, 咁就開始玩喇!
頭3日, 我地都可以陪佢, 下個星期一第四日, 佢就開始要自己入班房冇得陪喇, 到時又唔知會點! 不過我覺得呢方面滕滕都係似我架, 容易適應新環境, 就算係驚, 都可以好快ok!
著咗校服，大個咗好多呀)))
回覆刪除[版主回覆09/01/2011 12:34:00]其實可能佢真係好大個都唔定, 只係我仲當佢係bb啫............!
婆婆上個禮拜已經封咗利是俾熙熙喇...反而我哋2個就冇^^
回覆刪除[版主回覆09/02/2011 12:53:00]我嗰3個耆英都封晒比滕滕喇, 老一輩可能比較注重d!