今朝滕滕未夠0745, 就自己起左身出嚟搵我! 我真係低估左佢, 因為我仲諗住梳洗完之後先叫佢起身潻!
不過, 今日番學, 就好似冇咁順灘喇! 因為我以為佢會好安靜咁, 點不知同上PLAYGROUP一樣, 又係唔肯坐定定, 叫佢放番好D玩具上堂, 佢居然答話唔好!
一班有6個小朋友, 其餘嗰5個都好似好驚咁冇郁嚟郁去, 唯獨係呢隻豬仔, 好似唔使理你咁, 話行就行, 話走就走!
老師話要去toilet 洗手食茶點, 點不知隻豬仔好似痴頭猛咁, 死都唔肯去, 肯去都要我一斉去! 去第二個課室上唔知咩堂, 佢又唔肯, 又要我去埋! 上上下堂, 佢就話要痾c c, 咁我同佢去toilet啦, 除左褲一坐抵, 佢就話唔痾, 好驚, 要走!
老師話, 陪埋聽日就冇得陪喇, 老公就話星期一唔好理佢, 同佢上左校車就番屋企, 就算去學校睇佢都冇用, 因為都睇唔到(佢嗰個課室冇得望入去)!
睇埋聽日, 唔知會唔會好d呢?! 因為頭先同佢講叫佢早d瞓話聽日要番學, 佢都冇咩抗拒話唔好! 所以希望聽日ok啦!
好叻仔呀滕滕...識自己起身, 睇嚟佢學校生活暫時都ok~
回覆刪除[版主回覆09/02/2011 12:52:00]佢好似唔太抗拒, 不過我又覺得唔代表鐘意, 因為始終都係新環境, 去到又唔係鐘意點都得, 所以佢好似一般咁囉~
你個仔真係有性格，哈哈哈
回覆刪除[版主回覆09/05/2011 10:54:00]我都唔明點解佢一d都唔驚!
唔驚係好既開始! 叻仔!
回覆刪除[版主回覆09/06/2011 15:51:00]番學唔驚, 但係去學校個廁所就好驚呢! 呢樣都死啦, 唔通唔去咩!!!