今朝真係十分之眼瞓, 所以我不斷咁同滕滕講, 你就嚟要搭van van番學架喇, 你就嚟要搭van van 番學架喇!
我地0815出門口, 出奇地落到樓下, 架校巴係到等緊我地喎! 乜唔係d校巴唔見人就即走嘅咩??? 原本諗住行去的士站架, 見到架校巴係到, 我咪行過去囉, 一行過去就見到個司機擺明反我眼喇!!!
喂! 我唔知我唔搭校車要打比你架喎! 司機叔叔, 我見你之前九秒九咁就走左, 我以為你到左唔見人亦都會九秒九咁就即走, 我點知你會係到等啫!
今日我問老師佢搭校車番到學校點樣, 老師話都 E E 呀呀咁喊, 老師叫佢唔好喊, 佢就係咁同老師講佢要搭的士, 唔搭van van喎, 到左開始食早點先冇再喊! 不過, 之後都仲有耐唔耐就喊兩聲話好卦住我, 要番屋企!
今晚個工人同我講, 佢放學番到屋企就話要打電話比我, 佢話卦住我喎! 所以呢兩day, 滕滕明顯地係好曵, 我知道佢想吸引我注意, 但係我都番左嚟啦, 而且我仲日又講, 夜又講, 我話媽me要番工, 軒軒要番學! 我仲成日都講, 表姐又番學啦, 表哥又番學啦, barney 又番學啦, 佢d朋友仔講到全部都要番學咁济喇!
我諗我聽日就會比佢搭van van番學喇, 仲要係我唔帶佢, 尤得個工人同佢番學喇! 始終我同佢都要開始接受現實啦!
噢!!!希望滕滕會習慣啦!!!
回覆刪除[版主回覆09/16/2011 16:12:00]唔知要幾耐先習慣呢.........!
不如試下同滕滕講聽日成功搭VAN VAN 唔喊,
回覆刪除媽媽放工買雪糕/ 豆腐花之類(佢最鍾意食既野)比佢~
試下用獎勵哄佢開心上VAN VAN!
[版主回覆09/16/2011 16:14:00]我已經乜都出斉架喇, 佢都話唔要、唔好 & 唔搭呀!
軒軒好搞笑: 唔搭van van, 要坐的士
回覆刪除勁富貴呀. 佢又唔會想要行路or坐巴士, 只係要坐的士. 富貴仔
[版主回覆09/19/2011 11:35:00]你知道間學校幾吊腳架啦, 巴士又唔到, van 又冇, 下下都要轉車, 咁我唔想轉車之餘又唔想嘥時間, 咁同佢番學就唯有打的囉! 你估下下咁打的, 平架!!!