老師今日下午打嚟, 佢話滕滕今日去廁所冇咁抗拒喇, 雖然冇咁抗拒, 但係都係有小小驚!
因為老師話滕滕今日叫左佢幾次話要痾c c ,但係帶左佢去幾次, 冇一次係有架! 老師問我佢會唔會未必有喎! 我個心諗, 你估佢整估你呀, 佢都已經驚去廁所架啦, 同你講你就帶佢去, 咁佢都驚啦, 同你講咁多次, 去咁多次你估過引呀!
老師又話滕滕缺乏安全感, 好多時都要搵佢, 轉地方玩都要老師係身邊, 如果老師行開小小, 佢就即刻好似好驚咁, 又問老師去邊!
今晚番到嚟, 個工人同我講佢係學校可能冇痾c c , 因為滕滕番到屋企就即刻痾左好多!
老師, 我個滕滕好易話為, 佢唔會因為想繼續玩而要佢走就扭計, 只要話比佢知下次再玩過, 叫佢同個玩具講bye bye, 咁佢就好順灘咁走! 佢亦唔會因為想整估你話比你知佢要痾c c, 因為佢份人一d都唔古惑!
希望嚟緊好d啦, 一日唔解決廁所嘅問題, 都係有問題!
Good boy! 過多兩日滕滕實會習慣既。小朋友小小唔適應實有啦, 差小小安全感亦難免, 老師唔使咁緊張。
回覆刪除滕滕已經好叻仔啦, 比著我個仔實喊到飛起。我都驚緊 10月返學既失控埸面。
[版主回覆09/08/2011 11:21:00]我高估左佢啦, 我以為佢好快ok架, 點不知成日都話驚! 我都唔知佢驚乜! 學校又多小朋友, 又有sir 滑梯, 又colorful! 我個個星期都同佢出一出去架, 近都出去行一行啦, 我都唔知佢番學點解咁樣!
總之一開學, 唔係小朋友唔開心, 大人都有唔開心啦, 仲要加埋擔心潻呀!
乖仔..!! 抵錫, 得人鐘意
回覆刪除[版主回覆09/08/2011 11:19:00]佢唔曵嗰時又真係幾抵錫嘅!
唯有等佢習慣啦，真可憐
回覆刪除[版主回覆09/08/2011 11:22:00]係囉, 等佢習慣囉, 不過唔知點解, 係等呢個時間就幾肉赤囉!