滕滕休息左4日之後, 尋日星期一就番學喇!
而家個策略就係我帶滕滕番學, 而放學先搭校車番屋企! 因為滕滕今朝著晒校服之後, 又係第一時間同我講, 佢唔搭van van 呀!
尋日, 一入到學校行左幾步, 就開始喊喇, 班房都未入就已經喊喇! 喊! 我都唔明佢仲咩事喊! 好彩入到班房, 佢見到老師, 都仲肯喊住叫老師, 雖然我走都係大喊大叫, 但係尋晚瞓覺都ok, 都係起身喊左一次就冇再醒喇!
豬仔! 我唔可能下下都打的同你番學架, 校車已經比左八舊水喇, 朝朝打的同你番學, 亞媽我就蝕晒比間校巴公司喇, 而且仲要多成廿幾蚊的士錢呀, 仲有, 我仲要日日遲到呢! 你知唔知嗰件馮小姐, 以為我會好晏番就諗住爻懵唔同我做文件住呀, 通知左佢有咩要做, 佢就成朝係到唔知做乜! 你話d人幾蠢吖, 更係做好晒要做嗰d嘢先做自己嘢吖嘛, 公司又唔係多嘢做!
豬仔! 你記住第日大個唔好好似馮小姐咁又想偷懶, 但係又咁死蠢呀!!!
我明馮小姐咩心理，梗係有人係公司至做公司嘢啦，扮忙比你睇吖嘛
回覆刪除[版主回覆09/15/2011 10:49:00]我叫佢開嗰幾張生產單連埋落booking, 快嘅唔使半個鐘就做完啦!
仲有呀, 佢使乜叉嘢扮忙啫, 佢個背脊對住我, 佢有冇嘢做, 我一清二楚啦!!!
熙熙間學校, 係校門就唔俾我哋入喇...每日我就係校門賣仔咁...
回覆刪除[版主回覆09/19/2011 15:16:00]間間嘅規矩唔同囉, 我地送番學, 都可以送到入班房架, 但係就唔可以好似你咁影相囉! 如果比我選, 我寧願有得影啦!