老師尋日問我滕滕係唔係好夜瞓, 因為佢好似沒精打彩咁, 但係我同老師講佢而家9點半就飲奶, 飲完奶就刷牙瞓, 頂晒籠十點多d就已經瞓左喇, 咁呢兩日放學番嚟都已經開始回復正常瞓番晏覺, 咁應該就唔會唔夠瞓囉!
呢個老師真係幾唔話得, 研究完夠唔夠瞓, 佢就問我滕滕係唔係日日都有大便喇! 我就答佢滕滕未番學時, 一日都痾成兩三次, 次次都好多下, 而且每朝十點幾到就第一剤架喇! 所以, 我同老師講, 如果佢係學校冇痾, 咁一番到屋企就第一時間痾架喇!
老師尋日同我講, 滕滕係學校玩嗰時, 成個人都唔願郁, 叫佢雖然有反應, 但係唔叫佢就唔多郁, 好次冇嚟神氣咁!
老師話, 想睇下佢究竟咩事仲咩咁樣, 係唔係因為急C所以就唔多有活力喎!
唉! 個老師咁好, 你叫我點捨得K1同滕滕轉學校呢~!
都話你果間係好野黎 ga la。前喇沙校長話你果間係由小朋友出發既學校。不過, 如果計學野, 可能就無咁駁殺 law~
回覆刪除[版主回覆09/22/2011 17:01:00]咁如果比你選, 你選一間會另小朋友有個愉快童年, 定係可以見識多D呀?!
D老師好細心, 照顧周到D 學生行為!
回覆刪除[版主回覆09/22/2011 17:01:00]就係咁先另到我又煩惱囉~!
爭扎中!!!! 你果間我今年都有報。另外, 仲打算報兩間駁殺既。其實我今天打算報 10 左右, 你呢?
回覆刪除[版主回覆10/05/2011 00:50:00]我都好迷網架, 因為我屋企樓下嗰間好多西人老師, 同埋我老公又見到好多戶外活動, 咁我又覺得"西人老師" 多已經好吸引我! 我唔係要佢好叻, 不過起碼見到多D嘢都好D啦! 但係啟思而家個老師又好好喎! 所以我都唔知點算好!!!