進步~

今日又同滕滕去泳池游水, 一落水, 佢同上次一樣都係好驚要攬到實一實, 不過後嚟有個5歲大姐姐係到游呀游, 咁我就叫佢望下姐姐, 睇下姐姐幾叻, 係到踢水!

滕滕見到之後, 就好似開左hill咁, 肯浸個身落水喇  ! 個5歲妹妹聽到我地咁樣讚佢, 佢就好似好鐘意走過嚟我地到, 成日係我地面前游過, 而滕滕亦都好似覺得ok咁, 時不時都浸個身落水!

我都唔明, 上次都大把小朋友都係咁游啦, 上次就死都唔肯, 而今次無啦啦就自己肯去常試!

有時d嘢真係話唔埋, 浸個身落水多幾次, 唔使叫, 佢就又常試瞓個身係到, 但係都唔係太敢! 唔知係唔係個水泡細得济呢?! 但係個水泡係啱佢架, 所以唔知係唔係滕滕重過頭, 個水泡好似承受唔到佢個重量咁, 因為滕滕耐唔耐試下瞓, 但係都好似唔夠安全感咁樣!