唉~~~ 自從滕滕番左學之後, 佢就好鬼黐身, 又好鬼嗲, 而且仲好鬼曵!
黐身、嗲、曵, 我都知道點解, 都係唯一係因為佢唔想一個人番學, 覺得我掉抵左佢!
滕滕而家成日就望住個cam係到喊, 一路喊就一路叫我, 仲手揸電話, 叫我打番去比佢!
我唔係唔想打, 但係而家一打番去, 佢就唔肯收線, 不停咁叫住"媽me、媽me", 冇嘢講都唔肯比我收, 而我一收線, 就又再喊咁叫住我!
有陣時, 真係好忍心咁唔理佢啦, 佢就走去擒柜喇! 咁佢又會知, 佢做d咩我係會鬧, 咁佢一做, 我咪會打番去囉! 咁你話死唔死吖! 你估我真可以成日同你傾電話咩!!!
而家有時係到諗, 我係唔係錯左咁早比佢番學呢~?! 我唔想佢咁唔開心呀!!!
不如你定個時間比佢，比如話:我每日三點打比你，放工又打比你，乖就有禮物啦，唉~~~
回覆刪除[版主回覆09/16/2011 16:07:00]唔比喇, 忍心d就忍心d啦!
同埋, 唔可以講有禮物架, 因為之前個工人就係叫佢乖, 話我買車車番嚟比佢, 所以我一入門口佢就話我個袋有車車! 所以禮物呢家嘢, 唔可以亂講!
阿媽既心情係咁 ga la .. 10月3日輪到我個仔返學, 我都唔知咩環境 ~
回覆刪除我阿媽話我大佬返幼稚園頭一個星期日日喊, 佢都諗住第二個星期再喊就唔比佢返, 好在佢第二個星期就無喊啦。
有咩方法另佢唔覺得你掉抵左佢呢?? 你放工之後猛話錫佢攬佢補算得唔得呢?
[版主回覆09/16/2011 16:11:00]唉~ 真係乜都有可能發生架, 我以為番學好簡單啫, 點不知都咁暈!
我本身日日番到屋企, 都第一時間叫佢過嚟比我抱一抱、錫一錫架, 我而家仲日日好似迷暈黨咁同佢講番學好開心, 又有同學又有老師架! 所以我都唔知再做d咩好喇!
我唸你可能要打電話同老師了解下佢的情況以及講佢o係家中的問題, 咁等老師比d advice 你 (我見我個friend 係咁, 有時同學校夾定, 因為佢o係學校係乖過o係屋企的)
回覆刪除[版主回覆09/19/2011 12:07:00]我之前有同老師講過滕滕夜晚發惡夢嘅情況...........老師話佢可能番學未適應, 叫我再忍耐下, 睇多一陣!
而係屋企嘅情況, 我冇同老師講, 因為老師唔使講, 我都大約知道, 滕滕覺得空虛, 成日都想我係佢身邊!
可以比粒糖架啫
回覆刪除[版主回覆09/17/2011 13:52:00]佢食緊藥呀，有咳有痰呀，所有甜嘢一律要封囗呀!