今日去奶奶去做節, 只係大姑奶到, 而二姑奶因為(可能)係大生意, 所以佢話唔嚟喎! 嗱, 我又有樣嘢唔係好明喇, 二姑奶係做飲食, 一個星期我估都有一日假放吓嘛, 咁既然有假放, 我就唔明點解口口聲聲好似好錫佢呀亞媽, 但係成幾個月都冇番過去食飯嘅?
不過, 算啦, 唔使見到都幾好, 起碼唔使同多一個人講嘢!
滕滕, 見到大姑奶個仔, 都唔知點解咁鐘意佢, 一個2歲半, 一個15歲, 滕滕就係咁搵表哥玩, 叫佢錫表哥, 表哥唔想比佢錫, 佢錫唔到都就咁要錫隻手一啖, 慕求錫到就得喇! 開始都冇咁癲, 越玩就越瘋狂, 又係捉又捉唔住, 抱又抱唔住, 成個人不受control咁!
我地年年都秋都會食完飯同奶奶出去搵個地方賞月, 今日, 大姑奶聽到我地話同奶奶去賞月, 佢又就話去喇! 最好笑就係, 佢個仔一聽到話去賞月就即刻話: "唔係嘛!"(仲要加埋一個極不願意嘅表情!) 我個心諗, 成15歲仔, 比我都唔想跟你地班中男中女去公園啦 
而滕滕, 有得出街佢就好開心喇, 又再一次四周圍咁走, 又跑又跌, 呢~ 又跌瘀左幾撻喇! 人地唔知, 又以為我地虐兒啦!
其實可以叫個仔返屋企先架，又或者佢自己出街囉 又其實做飲食真係好忙，如果你二姑奶兼顧埋廚房，真係一年三百六十五日年中無休架，我好明白開餐廳的難處...
回覆刪除[版主回覆09/15/2011 10:47:00]我嗰個巴閉二姑奶佢只係係到收錢, 我明白逢係假期都唔使預佢, 所以仲好, 唔使下下聽到佢講埋d死都要拗一拗你嗰d說話, 不過老公就好想好想好想見佢呢個家姐囉!
我老公仲要之前串我呀, 邊有人做節係茶餐廳做喎, 話佢家姐可以番嚟一斉食喎, 好啦, 佢家姐後嚟話唔得喇, 咁又話不如去佢家姐到食飯, 順便可以見下佢家姐喎! 咁我又問番佢囉, 你又話冇人會係茶餐廳到做節! 老公問左我兩次去佢家姐到食飯好唔好, 我都唔想答佢!
比老公咁寸法，比我就唔去喇，又寶咩，一年又唔係得一個大節，哼~~~
回覆刪除[版主回覆09/15/2011 11:15:00]所以佢話去, 我咪用番佢嗰句囉 "你話架嘛, 邊有人係茶餐廳做節嘛!", 佢當堂唔出聲啦!
而且我都不知幾唔想去呀!